प्रतिनिधिसभा विघटनविरूद्धको मुद्दामा विषयबाहिर बहस
<p>काठमाडौं । सर्वोच्च अदालतमा प्रतिनिधिसभा विघटनविरूद्धको मुद्दामा आज तेस्रो दिन बहस सुरू भएको छ। </p>
<p>प्रधानन्यायाधीश चोलेन्द्र शमशेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासमा बहस सुरू भएको हो । </p>
<p>सुरूवातमा रिट निवेदक अधिवक्ता शिवकुमार यादवले बहस गर्दैछन् । हिजो दुईजना अधिवक्ताले बहस गरेका थिए। अधिवक्ता यादवले संक्रणकालीन न्यायका विषयलाई पनि बहसमा उठाएका छन्।</p>
<h3> <strong>विषयवस्तु बाहिर बहस </strong></h3>
<p>रिट निवेदक सन्तोष भण्डारीको तर्फबाट अधिवक्ता शेरबहादुर ढुंगाना विषयवस्तु बाहिर गएपछि इजलासले ध्यानाकर्षण गराएको छ । </p>
<p>अधिवक्ता ढुंगानाले आफू उपसचिव हुँदा ८ वटा जिल्लाको जिविस प्रमुख भएर काम गरेको र ४० वर्ष निजामती सेवामा काम गरेर बहसमा आएको बताएपछि प्रधानन्यायाधीश राणाले विषयवस्तुमा मात्रै बोल्न र जन्मेदेखिको कुरा नसुनाउनुस् भन्दै ध्यानाकर्षण गराए। त्यसपछि बल्ल संविधान भन्दा माथि कोही नभएको तर्क गर्दै अधिवक्ता ढुंगानाले बहस गर्न थाले । </p>
प्रतिक्रिया दिनुहोस्
.jpg)
