प्रचण्डपक्ष नेकपाको विरोधसभाको तयारी पूरा
<p>काठमाडौँ। प्रतिनिधिसभा विघटनविरुद्ध पुष्पकमल दाहाल प्रचण्ड नेतृत्वको नेपाल कम्युनिष्ट पार्टी (नेकपा)ले गर्ने काठमाडौंमा गर्ने विरोधसभाको तयारी पूरा भएको जनाएको छ।</p>
<p>आज पार्टी मुख्यालय पेरिसडाँडामा सञ्चारकर्मीसँग कुराकानी गर्दै केन्द्रीय संघर्ष समितिका सह–संयोजक तथा प्रवक्ता योगेश भट्टराईले शुक्रबारका लागि तय भएको बृहत् विरोधसभाको तयारी लगभग पूरा भएको जानकारी दिएका हुन्।</p>
<p>झन्डै २ लाख मानिस उपस्थित गराउने उद्देश्यसहित योजना बनाएको प्रचण्ड नेतृत्वको नेकपाले देशैभरबाट आउने प्रदर्शनकारीलाई शुक्रबार भृकुटीमण्डपमा उतार्दै छ। यसको मुख्य वक्ता रूपमा अध्यक्ष प्रचण्ड र माधवकुमार नेपाललगायत नेताले बिशेष वक्ताको रुपमा सम्बोधन गर्ने भएका छन्।</p>
<p>उनका अनुसार सचिवालयसहित स्थायी कमिटी सदस्यको नेतृत्वमा माइतीघर, डिल्लीबजार, लैनचौर, त्रिपुरेश्वर, कुपन्डोल, प्रदर्शनी मार्ग, त्रि–चन्द्र कलेज, वाल्मीकि क्याम्पसलगायतका स्थानबाट निस्किएर रत्नपार्कको मुख्य जुलुसमा सहभागी हुनेछन्। </p>
<p>रत्नपार्कबाट सुरु हुने मुख्य जुलुसलाई अध्यक्षद्वय पुष्पकमल दाहाल र माधवकुमार नेपालले नेतृत्व गरी रत्नपार्क, पुतलीसडक हुँदै भृकुटीमण्डपमा आयोजना हुने विरोधसभामा परिणत गराउने योजना रहेको सहसंयोजक भट्टराईले जानकारी दिए।</p>
<p>गत पुस ५ गते प्रधानमन्त्री केपी शर्मा ओलीले प्रतिनिधिसभा बिघटन गरे पछि राजनीतिक रूपमा विभाजित भएका प्रचण्ड नेतृत्वको नेकपाले दोस्रोपटक काठमाडौंमा प्रदर्शन गर्न लागेको हो। </p>
<p>यसअघि गरेको प्रदर्शनमा झन्डै १० हजार जम्मा गरेको सो समुहका अध्यक्ष प्रचण्डले शुक्रबारको बृहत् विरोधसभामा २ लाख मानिस उतार्ने घोषणा गरिसकेका छन्।</p>
प्रतिक्रिया दिनुहोस्
.jpg)
