पार्टीका केही नेता ढुलमुले भएको आरोप
<p>इनरुवा। उपप्रधानमन्त्री ईश्वर पोखरेलले पार्टीभित्र केही नेताको स्वभाव ढुलमुले प्रवृत्तिको भएको बताएका छन्।</p>
<p>सुनसरीको दुहबीमा जिल्लास्तरीय कार्यकर्ता भेलालाई सम्बोधन गर्दै नेपाल कम्युनिस्ट पार्टी(नेकपा) सचिवालय सदस्य पोखरेलले पार्टीभित्र सँगसँगै अघि बढ्ने भनी गरिएका सहमतिको विपक्षमा गई केही व्यक्ति स्वार्थ लिप्तामा लागेको आरोप लगाए।</p>
<p>सोही कार्यक्रमलाई सम्बोधन गर्दै प्रदेश १ का मुख्यमन्त्री शेरधन राईले आफूविरुद्ध प्रदेश सरकारमा पेस भएको अविश्वासको प्रस्ताव सामना गर्न तयार रहेको बताए। प्रदेश १ का उद्योग, पर्यटन, वन तथा वतावरणमन्त्री जगदीशप्रसाद कुशियत, पार्टी नेत्री भगवती चौधरीलगायतले कार्यक्रममा सम्बोधन गरेका थिए। <em>रासस</em></p>
प्रतिक्रिया दिनुहोस्
.jpg)
