Politics

गृहपृष्ठ

समुन्‍नत राष्ट्र निर्माण गर्नु सबैको साझा दायित्व : प्रदेश प्रमुख कलौनी सुर्खेत। कर्णाली प्रदेशका प्रमुख गोविन्दप्रसाद कलौनीले नेपाली जनताले प्राप्त गरेका उपलब्धिहरूको रक्षा गरी सामाजिक न्याय र समानतामा आधारित समुन्&zwj;नत राष्ट्र निर्माण गर्नु सबैको साझा दायित्व भएको बताएका छन् । सहिद दिवसका अवसरमा आज शुकामना सन्देश जारी गर्दै उनले ‘समृद्ध नेपाल, सुखी नेपाली’ को राष्ट्रिय आकांक्षा पूरा गरी समुन्&zwj;नत राष्ट्र निर्माणमा आ–आफ्नो तह र तप्काबाट योगदान पुर्&zwj;याउन आजको दिनले प्रेरणा मिल्ने विश्वास व्यक्त गरेका हुन् । प्रदेश प्रमुख कलौनीले प्रजातन्त्र स्थापनाका लागि निरङ्कुश राणा शासनविरुद्ध संकर्ष गर्दै सहादत प्राप्त गर्ने शुक्रराज शास्त्री, धर्मभक्त माथेमा, गङ्गालाल श्रेष्ठ, दशरथ चन्दलगायत देश र जनताका लागि आफ्नो जीवन न्यौछावर गर्ने सहिदहरुले गरेको त्याग र बलिदानको परिणामस्वरूप नेपाल एक स्वतन्त्र, सार्वभौम, अखण्ड, स्वाधीन र स्वाभिमानी मुलुकको रूपमा स्थापित भएको बताए । नेपालमा संघीय  लोकतान्त्रिक गणतन्त्र स्थापना हुँदासम्मका विभिन्न कालखण्डमा भएका संघर्षमा आफ्नो अमूल्य जीवनको आहुति दिने अमर सहिदहरूप्रति श्रद्धासुमन व्यक्त गर्दै उनले सन्देशमा भने, “सार्वभौमसत्ता सम्पन्न नेपाली जनताको सर्वोच्चता, स्वायत्तता र स्वशासनको अधिकारलाई सुनिश्चित गर्दै सहिदहरूको सपना साकार पार्न मन, वचन र कर्मले अविचलितरूपमा समर्पित रहन यस दिवसले हामी सबैमा प्रेरणा प्रदान गर्ने विश्वास लिएको छु ।”