नवनियुक्त आयुक्तद्वय भण्डारी र तुलाधरको पदबहाली
<p>काठमाडौं। नवनियुक्त निर्वाचन आयुक्तद्वय रामप्रसाद भण्डारी र डा जानकीकुमारी तुलाधरले कान्तिपथस्थित निर्वाचन आयोगमा पद बहाली गरेका छन्। </p>
<p>संवैधानिक परिषद्को सिफारिसमा राष्ट्रपतिबाट निर्वाचन आयुक्तको पदमा आजै नियुक्त भएका उनीहरुले सपथग्रहणपछि पद बहाली गरेका हुन्। </p>
<p> नियुक्तिपछि उनीहरूलाई प्रमुख निर्वाचन आयुक्त दिनेशकुमार थपलियाले सपथग्रहण गराएका थिए। प्रमुख निर्वाचन आयुक्त थपलियाले आयोगमा नवनियुक्त आयुक्तद्वयलाई स्वागत गर्दै सफल कार्यकालका लागि शुभकामना दिए। </p>
<p>निर्वाचन आयुक्त नरेन्द्र दाहालले आयोगमा सहमतिका आधारमा निर्णय हुने गरेको र समयको दबाब तथा विद्यमान अवस्थाका बारेमा नवनियुक्त आयुक्तलाई जानकारी गराएका थिए। </p>
<p><em>रासस</em></p>
प्रतिक्रिया दिनुहोस्