बन्दको अवज्ञा गरेको भन्दै चारवटा ट्रकमा तोडफोड
<p>चितवन। नेपाल कम्युनिस्ट पार्टी (नेकपा) प्रचण्ड समूहले आयोजना गरेको बन्दका क्रममा सञ्‍चालन गरेको भन्दै बन्दकर्ताले चारवटा ट्रकमा तोडफोड गरेका छन्।</p>
<p>जिल्ला प्रहरी कार्यालयका अनुसार काठमाडौंबाट नारायणगढतर्फ आउँदै गरेका दुई र वीरगञ्‍जबाट पोखरातर्फ जाँदै गरेको एउटा ट्रक तोडफोड गरेका हुन्।</p>
<p>बन्दकर्ताले ना ३ ख ३९३, ना १ क १४३५ र ना ८ ख ४४८० नम्बरको ट्रक तोडफोड गरेको प्रहरीले जानकारी दिएको छ। मोटरसाइकलमा आएका बन्दकर्ताले भरतपुर महानगरपालिका-१ भतेरीमा ट्रक तोडफोड गरेका हुन्। </p>
<p>यस्तै टाँडीबाट नारायणगढतर्फ आउँदै गरेको ना ४ ख ८८५५ नम्बरको मालबाहक ट्रकलाई भरतपुर महानगरपालिका-१२ मिलनचोकमा तोडफोड गरेको प्रहरीले जानकारी दिएको छ। <em>रासस</em></p>
प्रतिक्रिया दिनुहोस्
.jpg)
