निर्वाचन समाचारः नवलपुरमा एघार हजार मतदाता थपिए
<p>नवलपरासी। नवलपरासी (बर्दघाट सुस्तापूर्व ) जिल्लामा एघार हजार बढी मतदाता थपिएका छन्। ‘नवलपुर’मा गत निर्वाचन भन्दा ११ हजार चार सय नौ जना नयाँ मतदाता थपिएका छन् । </p>
<p>जिल्ला निर्वाचन कार्यालयका प्रमुख ओमनारायण शर्माका अनुसार गत निर्वाचनका समयमा नवलपुरमा कूल दुई लाख २१ हजार सात सय १४ जना मतदाता रहेका थिए। नयाँ मतदाता थपिएसँगै यो सङ्ख्या बढेर हाल कूल मतदाता सङ्ख्या दुई लाख ३३ हजार एक सय २३ पुगेको हो। </p>
<p>नवलपुरमा हाल एक लाख २३ हजार पाँच सय ५२ महिला, एक लाख नौ हजार पाँच सय ६७ पुरुष र तेस्रो लिङ्गी चार जना मतदाता रहेका छन्। यही माघ १६ र १७ गतेसम्म मतदाता नामावली अद्यावधिक गरिएको थियो। मृत्यु भएका, बसाइँसराइ गरेका, नागरिकता त्याग गरेका, नागरिकता रद्द भएकालगायतका मतदाताको सङ्ख्या घट्ने उनले बताए। </p>
<p><em>रासस</em></p>
प्रतिक्रिया दिनुहोस्
.jpg)
