जनयुद्ध गणतन्त्र स्थापनाको ठूलो पाठशाला : गृहमन्त्री थापा
<p>काठमाडौं। गृहमन्‍त्री रामबहादुर थापाले जनयुद्ध नेपालमा गणतन्त्र स्थापनाको ठूलो पाठशाला भएको बताएका छन्। जनयुद्धको आधारमा टेकेर नै मुलुकमा गणतन्‍त्र स्थापना भएकाले नेपालको जनक्रान्ति र गणतन्‍त्र स्थापनाका लागि जनयुद्धको योगदानलाई भुल्न नहुने गृहमन्‍त्री थापाले बताए। </p>
<p>राजधानीमा २६औं जनयुद्ध दिवसका अवसरमा अखिल नेपाल ट्रेड युनियन महासंघ केन्द्रीय समितिद्वारा आयोजित कार्यक्रममा गृहमन्‍त्री थापाले जनतालाई जागरण दिन सफल अभियानका रूपमा जनयुद्धलाई लिनुपर्ने बताए। </p>
<p>गृहमन्‍त्री थापाले भने- “जनयुद्ध उत्पादनकर्ता पनि थियो। यसले लाखौं युवालाई क्रान्तिका निम्ति तयार पार्‍यो। यो एउटा ठूलो पाठशाला थियो। जसले देशलाई नेतृत्व गर्ने नेता कार्यकर्ता उत्पादन गर्‍यो,” उनले भने। </p>
<p><br />
"शान्तिपूर्ण र संघर्षका रूपलाई संयोजन गरेर आन्दोलन सुरु भएको र त्यसैको प्रतिफल विसं २०६२/६३ को जनआन्दोलनले गणतन्‍त्र ल्याएको हो। जनयुद्धका नाममा प्राण आहुति दिने सहिद परिवार, बेपत्ता परिवार र घाइते योद्धाप्रति राज्यले उचित सम्मान गर्ने छ," गृहमन्‍त्री थापाले भने। </p>
<p><em>रासस</em></p>
प्रतिक्रिया दिनुहोस्
.jpg)
