सामाजिक न्यायसहितको समाजवाद सरकार र पार्टीको रणनीति: नेकपा अध्यक्ष दाहाल
<p>काठमाडौं। नेपाल कम्युनिष्ट पार्टी (नेकपा) का अध्यक्ष पुष्पकमल दाहालले सामाजिक न्यायसहितको आर्थिक समृद्धिमार्फत समाजवादको आधार तयार पार्ने वर्तमान सरकार र नेकपाको स्पष्ट रणनीति रहेको बताएका छन्।</p>
<p>उधौली तथा योमरी पुन्हिको अवसरमा शुभकामना सन्देश जारी गर्दै नेकपा अध्यक्ष दाहालले सबै जाति, क्षेत्र, लिङ्ग, समुदायको पहिचानसहितको समृद्धिबाट राष्ट्रको उन्नति हुने बताए।</p>
<p>अध्यक्ष दाहालले शुभकामना सन्देशमा विभिन्न समुदायका सांस्कृतिक पर्वहरुले सम्पूर्ण नेपालीलाई एउटै राष्ट्रिय एकतामा एकतावद्ध गर्न सकेको उल्लेख गरेका छन्। </p>
<p>'मुलुकको समृद्धिमा यस्ता अमूल्य संस्कृतिहरुको ठूलो योगदान रहँदै आएको छ', दाहालको सन्देशमा भनिएको छ।</p>
<p><img alt="" height="1241" src="https://www.dekhapadhi.com/storage/photos/shares/Culture/prachanda suvakamana.jpg" width="960" /></p>
प्रतिक्रिया दिनुहोस्
.jpg)
