वैदेशिक हस्तक्षेप बढन थाल्यो, परास्त गरौं- प्रवक्ता श्रेष्ठ
<p>काठमाडौं। नेपाल कम्युनिष्ट पार्टी (नेकपा)का सचिवालय सदस्य नारायणकाजी श्रेष्ठले राजनीतिक अस्थिरताका बिचमा वैदेशिक हस्तक्षेप बढेको जनाएका छन।</p>
<p>पुष्पकमल दाहाल प्रचण्ड नेतृत्वको पूर्वपरराष्ट्रमन्‍त्रीसमेत रहेका श्रेष्ठले वैदेशिक हस्तक्षेप रोक्नका लागि एकजुट हुन आव्हान पनि गरेका छन।</p>
<p>‘देश गम्भीर संकटबाट गुज्रदैछ, संविधान र लोकतन्‍त्रमाथि मात्र प्रहार भइरहेको छैन्, वैदेशिक हस्तक्षेप बढ्दै गइरहेको छ,’ श्रेष्ठले भनेका छन, ‘सत्ता स्वार्थले अन्धा भएका निरङ्कुश तत्वहरूबाट विदेशी शक्तिलाई आमन्‍त्रण गर्ने र तिनको आडमा अघि बढ्ने प्रवृत्तिको पुनरावृत्ति भइरहेको छ।’</p>
<p>सत्ता पक्षले बैदेशिक हस्तक्षेप निम्ताएको आरोप लगाउँदै श्रेष्ठले वैदेशिक हस्तक्षेपमार्फत सुक्ष्म व्यवस्थापनतर्फ लागिरहेको पनि जनाएका छन। ‘विदेशी शक्तिहरू कमजोर सत्ता र राजनीतिक अस्थिरताबाट कसरी आफ्नो स्वार्थ पुरा गर्न सकिन्छ ? भनेर सुक्ष्म व्यवस्थापनमा चासो दिँदै क्रमशः हस्तक्षेप बढाइरहेका छन्,’ श्रेष्ठको निष्कर्ष देखिएको छ।</p>
<p>‘सम्पुर्ण देशभक्त शक्तिहरू एक होऔं, प्रतिगमन र वैदेशिक हस्तक्षेपलाई परास्त गरौं, राष्ट्रिय स्वाधीनता र लोकतन्‍त्रको रक्षा गरौं’ भन्दै श्रेष्ठले सार्वजनिक रुपमा आव्हान गरेका छन।</p>
प्रतिक्रिया दिनुहोस्
.jpg)
