जापानी राजदूत मासामिची साइगोले प्रधानमन्त्रीसँग गरे बिदाइ भेट
<p>काठमाडौं। प्रधानमन्त्री केपी शर्मा ओलीसँग नेपालका लागि जापानी राजदूत मासामिची साइगोले बुधबार प्रधानमन्त्री निवास बालुवाटारमा बिदाइ भेट गरेका छन्। राजदूत साइगो आफ्नो दुई वर्ष नौ महिनाको कार्यकाल सम्पन्‍न गरी स्वदेश फर्कन लागेका हुन्।</p>
<p>भेटमा प्रधानमन्त्री ओलीले राजदूत साइगोको कार्यकाल सफल रहेको उल्लेख गर्दै यस अवधिमा नागढुंगा सुरुङलगायतका विभिन्‍न कार्यक्रममार्फत नेपाल र जापानबीचको मैत्री सम्बन्ध थप सदृढ बनाउन खेलेको भूमिकाका लागि धन्यवाद व्यक्त गरे।</p>
<p>आगामी दिनमा यी दुई घनिष्ट मित्र देशबीच राष्ट्राध्यक्ष तथा सरकारका प्रमुख स्तरको भ्रमण आदानप्रदान हुने अपेक्षासमेत प्रधानमन्त्री ओलीले व्यक्त गरेका छन्। </p>
<p>राजदूत साइगोले आफ्नो कार्यअवधिभर नेपाल सरकारबाट प्राप्त सहयोगका लागि आभार प्रकट गरेका थिए।</p>
प्रतिक्रिया दिनुहोस्
.jpg)
