प्रचण्ड समूहप्रति उपप्रधानमन्त्रीको टिप्पणी : अन्ततोगत्वा आफ्नै सर्वनाश भएको पत्तै पाउँदैनन्
<p>काठमाडौं। उपप्रधानमन्त्री ईश्वर पोखरेलले नेकपाको प्रचण्ड समूहलाई 'अरूको मृत्युमा आफ्नो जीवन देख्‍नेहरू तथा कुण्ठा र इर्ष्याभावबाट निर्देशित हुनेहरू' भन्‍ने आरोप लगाएका छन्।</p>
<p>यसरी निर्देशित हुनेहरू सप्रिएर अघि बढ्न नसक्ने पनि उनको भनाइ छ। बरू उनीहरू ध्वंसात्मक दिशामा अघि बढेको पत्तै नपाउने र अन्ततोगत्वा आफ्नै सर्वनाश गर्ने उनले उल्लेख गरेका छन्।</p>
<p>सामाजिक सञ्‍जाल फेसबुकमा आज बिहान स्टाटस लेख्दै समयमै सोच्न उनले आग्रह गरेका छन्।</p>
<p>हाल नेकपा राजनीतिक रूपमा विभाजित अवस्थामा छ। प्रधानमन्त्रीसमेत रहेका केपी शर्मा ओली र पुष्पकमल दाहाल ‘प्रचण्ड’ को छुट्टा-छुट्टै नेतृत्वमा नेकपा विभाजित भएको हो।</p>
<p>विभाजनको स्थितिमा रहेका दुई समूहबीच गत पुसदेखि आरोप-प्रत्यारोप चल्दै आएको छ।</p>
<p><iframe allow="autoplay; clipboard-write; encrypted-media; picture-in-picture; web-share" allowfullscreen="true" frameborder="0" height="474" scrolling="no" src="https://www.facebook.com/plugins/post.php?href=https%3A%2F%2Fwww.facebook.com%2FPokhrelIshwar%2Fposts%2F3631835200239991&width=500&show_text=true&height=474&appId" style="border:none;overflow:hidden" width="500"></iframe></p>
प्रतिक्रिया दिनुहोस्
.jpg)
