प्रधानमन्त्री ओली र विप्लव एउटै गाडी चढेर आइपुगे सभागृह
<p>काठमाडौं। प्रधानमन्त्री केपी शर्मा ओली र नेत्रविक्रम शर्मा ‘विप्लव’ एउटै गाडीमा राष्ट्रिय सभागृहमा पुगेका छन्।</p>
<p>सरकार र विप्लव समूहबीच बिहीबार (हिजो) भएको तीन बुँदे सहमतिमा हस्ताक्षर गर्न आयोजित समारोहलाई सम्बोधन गर्नका लागि प्रधानमन्त्री ओली र विप्लव एउटै गाडी चढेर सभागृह पुगेका हुन्।</p>
<p>उनीहरु प्रधानमन्त्रीको सरकारी निवास बालुवाटारबाट एउटै गाडी चढेर सभागृह आएका हुन्। सभागृह आउनुअघि बालुवाटारमा दुई नेताबीच संक्षिप्त कुराकानी भएकाे प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिए </p>
<p>दुई पक्षबीचको वार्ता सफल भएपछि पहिलोपटक दुवै नेताले एउटै मञ्‍चबाट सम्बोधन गर्न लागेका हुन्। </p>
<p>विप्लव तीन वर्षपछि पहिलो पटक सार्वजनिक भएका छन्। तीन वर्षदेखि भूमिगत रहेका उनी सरकारसँगकाे सहमतिसँगै शान्तिप्रक्रियामा फर्केका हुन्।</p>
<p> </p>
प्रतिक्रिया दिनुहोस्
.jpg)
