Politics

गृहपृष्ठ

सरकार र विप्लव समूहले गरे तीन बुँदे सहमतिमा हस्ताक्षर <p>काठमाडौं। हिंसात्मक आन्दोलनमा रहेको नेपाल कम्युनिस्ट पार्टी र सरकारबीच तीन बुँदे सहमतिपत्रमा आज हस्ताक्षर भएको छ।</p> <p>आज प्रधानमन्त्री केपी शर्मा ओली र नेत्रविक्रम शर्मा ‘विप्लव’को उपस्थितिमा सहमतिपत्रमा हस्ताक्षर भएको हो।</p> <p>प्रदर्शनीमार्गस्थित राष्ट्रिय सभागृहमा आयोजित विशेष समारोहमा दुवै पक्षका वार्ता टोलीका संयोजकहरूले सहमतिपत्रमा हस्ताक्षर गरेका छन्। </p> <p>सरकारी वार्ता टोलीको संयोजक गृहमन्त्री रामबहादुर थापा रहेका छन् भने विप्लव समूहको वार्ता टोलीबाट खड्गबहादुर विश्वकर्मा ‘प्रकाण्ड’ रहेका थिए।</p> <p>पार्टी प्रतिबन्धमा परेपछि लामो समयदेखि भूमिगत जीवन बिताइरहेका विप्लव आजै बिहान नवलपरासीमा सार्वजनिक भएका थिए।</p> <p>त्यहाँ सहिद फूलमायाँ सारू मगरको परिवारसँग भेटेपछि उनी सहमतिपत्रमा हस्ताक्षर गर्न काठमाडौंमा आएका हुन्।</p> <p>हिजो सरकारको तर्फबाट गठित वार्ता टोलीका संयोजक तथा गृहमन्त्री थापा र प्रधानमन्त्री ओलीका परराष्ट्र मामिला सल्लाहकार डा. राजन भट्टराई तथा विप्लव नेतृत्वको नेकपाको वार्ता टोलीका संयोजक प्रकाण्ड र सदस्य उदय चलाउने ‘दीपक’ बीच तीन बुँदे सहमति भएको थियो।</p> <p>सोही सहमतिअनुसार विप्लव सार्वजनिक भएका हुन्। आजदेखि विप्लव नेतृत्वको नेकपा शान्तिपूर्ण राजनीतिमा प्रवेश गर्ने छ।</p> <p>सहमतिपत्रमा हस्ताक्षर गर्न आयोजित समारोहलाई सम्बोधन गर्नका लागि प्रधानमन्त्री ओली र विप्लव एउटै गाडी चढेर सभागृह पुगेका थिए।</p> <p>गत मङ्&zwj;गलबार सरकार र नेकपा दुवैले वार्ता टोली घोषणा गरेको थियो। दुई दिनसम्मको वार्ताले नेकपालाई शान्तिपूर्ण राजनीतिमा ल्याएको हो।</p> <div class="widget-news"> <div class="white-background-news"> <div class="title-2">सिफारिस</div> <div class="news-snippet"><a class="img-holder sm" href="/news/37480" target="_blank" title="प्रधानमन्त्री ओली र विप्लव एउटै गाडी चढेर आइपुगे सभागृह"><img alt="" src="https://img.dekhapadhi.de/uploads/posts/150X150/1614935067.KP-Oli-Biplub.jpg" /></a> <div class="details"> <h5 class="title"><a href="/news/37480" target="_blank">प्रधानमन्त्री ओली र विप्लव एउटै गाडी चढेर आइपुगे सभागृह</a></h5> </div> </div> </div> </div> <p>विप्लवले नेतृत्व गरेको नेकपामाथि सरकारले हिंसात्मक राजनीति गरेको भन्दै २०७५ फागुन २८ गते प्रतिबन्ध लगाएको थियो।</p> <p>ललितपुरको नख्खुस्थित एनसेलको मुख्यालयमा बम विस्फोट गरी एक जना सर्वसाधारणको ज्यान लिएपछि नेकपामाथि सरकारले हिंसात्मक गतिविधि गरेको भन्दै प्रतिबन्ध लगाएको थियो।</p> <p>प्रतिबन्धमा झण्डै दुई वर्षमा नेकपाको दुई हजार एक जना कार्यकर्ता पक्राउ गरेका थिए।</p> <p><strong>यी हुन् सहमतिका तीन बुँदा:</strong></p> <p>१) दुवै पक्ष नेपाल सरकार तथा नेपाल कम्युनिस्ट पार्टी देशको राजनीतिक समस्याहरू वार्ता तथा संवादबाट समाधान गर्न सहमत भएका छौं।</p> <p>२)नेपाल कम्युनिस्ट पार्टी आफ्ना सबै राजनीतिक क्रियाकलापहरू शान्तिपूर्ण रूपमा सञ्चालन गर्न सहमत भएको छ।</p> <p>३) नेपाल सरकार नेपाल कम्युनिस्ट पार्टीमाथि लगाएको प्रतिबन्ध हटाउन, कारागारमा रहेका पार्टी नेता र कार्यकर्ताहरूको रिहाइ र सम्पूर्ण मुद्दाहरू खारेज गर्न सहमत भएको छ। </p>