कांग्रेसकाे जागरण अभियान समापन हुँदै
<p><br />
काठमाडौं। नेपाली कांग्रेसको २५ भदौदेखि शुरू गरेको ‘हिमाल, पहाड, तराई–मधेश नेपाली काङ्ग्रेस राष्ट्रिय जागरण अभियान’को दोस्रो चरण आज मुलुकभर विभिन्न कार्यक्रम गरी समापन हुँदैछ ।</p>
<p>समापनका अवसरमा ७७ जिल्ला सदरमुकाममा कांग्रेस जिल्ला सभापतिको नेतृत्वमा विरोध र्‍यालीसहित सभा गरिने पार्टी कार्यालयले जनाएको छ । <br />
विरोध प्रदर्शन मूलत बढ्दो महँगी, भ्रष्टाचार (वाइडबडी, न्यारो वडी प्रकरणलगायत), महिला हिंसा, बलात्कार र हत्या, संविधानको भावना प्रतिकूल भनिएका विधेयकविरुद्धका मुद्दामा केन्द्रित रहने पार्टी कार्यालयका मुख्य सचिव कृष्णप्रसाद पौडेलले जानकारी दिए।</p>
<p>यसबाहेक जिल्लास्तरीय प्रदर्शनमा स्थानीयस्तरका मुद्दालाई पनि प्राथमिकताका साथ उठाइने उनले बताए । समापनका कार्यक्रममा पार्टीका शीर्ष नेताहरूले समेत विभिन्न जिल्लाका सभालाई सम्बोधन गर्नेछन् । </p>
<p>जागरण अभियानको समापनका अवसरमा कांग्रेस वरिष्ठ नेता रामचन्द्र पौडेलले रोल्पा, उपसभापति विमलेन्द्र निधिले कैलाली, अर्का उपसभापति विजयकुमार गच्छदारले भक्तपुर, महामन्त्री डा शंशाक कोइरालाले खोटाङ, सहमहामन्त्री डा प्रकाशशरण महतले अछाम, कोषाध्यक्ष सीतादेवी यादवले ललितपुर, नेता गोपालमान श्रेष्ठले काठमाडौँ, नेता कृष्णप्रसाद सिटौलाले सुनसरीमा सम्बोधन गर्नेछन् । </p>
<p>पार्टी सभापति शेरबहादुर देउवाले कैलालीको धनगढीमा आयोजना हुने सभालाई सम्बोधन गर्ने कार्यक्रम तय भएपनि चिनियाँ कम्युनिष्ट पार्टीको विदेश विभाग प्रमुखले भेट्ने कार्यक्रम तय भएकाले त्यहाँ उपसभापति निधिलाई पठाइएको कांग्रेसले जनाएको छ । </p>
<figure class="image" style="float:left"><img alt="" height="308" src="https://www.dekhapadhi.com/storage/photos/shares/Politics/NC Jagaran Aviyan.jpg" width="600" />
<figcaption>जागरण अभियान घाेषणा कार्यक्रममा नेपाली कांग्रेसका नेताहरू। तस्वीर: अभियान दैनिक।</figcaption>
</figure>
<p>अर्का महामन्त्री पूर्णबहादुर खड्का भने पार्टीका महत्वपूर्ण बैठकमा व्यस्त रहेको मुख्य सचिव पौडेलले बताए। जागरण अभियानको यसअघिका १४ दिनमा ३३० प्रदेशसभा निर्वाचन क्षेत्र केन्द्रित विभिन्न कार्यक्रम गरिएको थियो ।</p>
<p>जसअनुसार अभियानको उद्घाटनको दिन २५ भदौमा बिपी कोइरालाको १०६औँ जन्मजयन्तीको प्रतीकस्वरुप प्रत्येक प्रदेशसभा निर्वाचन क्षेत्रको निश्चितस्थलमा १०६ बिरुवा वृक्षरोपण गरिएको थियो ।</p>
<p>पार्टी प्रवक्ता विश्वप्रकाश शर्माका अनुसार पार्टी सङ्गठन सुदृढीकरण, समसामयिक राजनीति, जनजीविकाका सवाल, सुशासनलगायत विभिन्न १५ उद्देश्य राखेर अभियान सञ्चालन गरिएकोे हो ।</p>
<p>अभियानका लागि कांग्रेसले प्रत्येक प्रदेशसभा क्षेत्रमा एक/एकका दरले ३३० केन्द्रीय प्रतिनिधि खटाएको थियो भने अभियानका औपचारिक कार्यक्रम छरितो तथा पार्टीका नेता एवं प्रतिनिधिले ‘बोल्ने कम, सुन्ने बढी’ प्रकृतिका गरिएको थियो ।</p>
<p>अभियानका क्रममा मुलुकभर वडास्तरीय सामाजिक संवाद कार्यक्रम, सामाजिक विसङ्गतिविरुद्ध जागरण, युवा केन्द्रित विशेष संवादको कार्यक्रम आयोजना गरिएको थियो । </p>
<p>यसैगरी स्थानीय सरकारको दुई वर्षे समीक्षा पनि गरिएको छ । साथै कांग्रेसको नेतृत्व रहेका तहमा जनभावनाअनुरुप अझ प्रभावकारी भूमिका कसरी निर्वाह गर्ने र निर्वाचित प्रतिनिधिबीच पर्याप्त समन्वय र एकता कसरी बढाउने सम्बन्धमा पनि विभिन्न स्तरमा अन्तर्क्रिया कार्यक्रम गरिएको पार्टी कार्यालयले जनाएको छ ।</p>
<p>यसअघि कांग्रेसले ७७ वटै जिल्लामा २५ वैशाखदेखि एक महीनासम्म अभियानको प्रथम चरण सम्पन्न गरेको थियो । अभियानको तेस्रो चरण आगामी ७ पुसमा प्रारम्भ भएर १६ पुसमा मेलमिलाप दिवस मनाएर समापन गरिनेछ ।</p>
<p><br />
<strong>भीष्मराज ओझा</strong>, रासस।</p>
प्रतिक्रिया दिनुहोस्
.jpg)
