प्रचण्ड-नेपाल समूहका सांसदद्वारा प्रतिनिधिसभा बहिष्कार
<p>काठमाडौं। नेपाल कम्युनिस्ट पार्टी (माओवादी केन्द्र) र नेकपा एमालेका असन्तुष्ट सांसदहरुले प्रतिनिधिसभा बहिष्कार गरेका छन्। उनीहरु बैठक छाडेर हलबाट बाहिरिएका छन्।</p>
<p>यसअघि सांसद भीम रावलले पूर्वनिर्धारित कार्यसूचीबाहिरको प्रस्ताव अगाडि बढाइएको भन्दै आपत्ति जनाएका थिए।</p>
<p>उनले वैधता गुमाएको सरकारले कुनै अध्यादेश पेस गर्न नपाउने जिकिर गरे। </p>
<p>रावलले प्रधानमन्त्री र सरकारको स्थिति पहिले थाहा पाउनुपर्ने बताएका छन्। उनले प्रधानमन्त्री ओली र सरकारले सम्पूर्ण रूपमा वैधता गुमाएको बताए। </p>
<p>यस्तो अवस्थामा सरकार र प्रधानमन्त्रीको स्थिति आमरूपमा थाहा पाउन आवश्यक रहेको सांसद रावलको भनाइ छ। आफैंले विघटन गरेको प्रतिनिधिसभा बैठकमा प्रस्ताव लिएर प्रधानमन्त्री कसरी आउन सक्छन् भन्दै आलोचना गरेका छन्।</p>
<p>सभामुखले कार्यसूचीअनुसार नै अत्यावश्यक अध्यादेश पेश गर्न लागिएको बताउँदै बैठक अगाडि बढाएपछि प्रचण्ड-नेपाल समूहका सांसदहरु बैठक बहिष्कार गर्दै बाहिरिएका हुन्।</p>
प्रतिक्रिया दिनुहोस्
.jpg)
