Politics

गृहपृष्ठ

माधव नेपाललाई फोन गरेर ओलीले के भने ? काठमाडौं। लामो समयका राजनीतिक सहयात्री केपी शर्मा ओली र माधव कुमार नेपालबीच यतिबेला सम्बन्ध तिक्ततापूर्ण छ । त्यसैले दुवै नेता एक अर्कालाई कसरी ‘साइज’ मा राख्ने र कर्नरमा पार्ने भन्ने दाउमा देखिन्छन् । दुवै नेताले एक अर्काविरुद्ध सार्वजनिक रुपमा नै कडा टिप्पणी गर्दै आएका छन् ।  तिक्तताकै कारण फागुन ११ गते जन्मदिन मनाएका केपी शर्मा ओलीलाई माधव नेपालले बधाई समेत दिएनन् । सोही दिन ओलीले विघटन गरेको संसद सर्वोच्चले पुनस्र्थापना गरिदिएपछि प्रचण्ड र माधव नेपालले लड्डु खाए ।  आइतबार पनि त्यस्तै संयोग परेको छ । सर्वोच्च अदालतले नेकपाको आधिकारिकता विवादको फैसला गरेको दिन माधव कुमार नेपालको जन्मदिन थियो । नेता नेपालले अब एमाले इतिहास भइसकेको भन्दै कसैले ब्यूताउन नसक्ने बताइरहेका बेला सर्वोच्चले नेकपा नाम लिन नसक्ने भन्दै साबिकका एमाले र माओवादी केन्द्र नै कायम हुने फैसला गरेको छ ।  यो फैसलापछि अब ओली पक्षमा लागेका पूर्वमाओवादीहरु र प्रचण्ड समूहमा रहेका पूर्वएमालेहरुको अवस्था के हुन्छ भनेर टिकाटिप्पणी भइरहेका छन् । सर्वोच्चको फैसला आउँदा माधव नेपाल जन्मदिन मनाउने क्रममा नै थिए । जन्मदिनको अवसरमा उनलाई धेरैतिरबाट बधाईको ओइरो लागेको थियो । यसरी वधाई दिनेमा प्रधानमन्त्री केपी शर्मा ओली समेत थिए ।  ओलीले आइतबार बिहानै नेपाललाई फोन गरेर जन्मदिनको शुभकामना दिएका थिए । नेपालले पनि ओलीलाई धन्यवाद दिए । ओलीले नेपाललाई शुभकामना दिएकै दिन नेता नेपाल समेत सहभागी भएर ओलीलाई संसदीय दलको नेताबाट हटाएर प्रचण्डलाई नेता बनाइएको जानकारी सभामुखलाई गराइएको थियो । ओली र नेपाल अलग समूहबाट राजनीति गरिरहेका थिए । तर आइतबार नै सर्वोच्च अदालतले नेकपा खारेज गरेर पूर्ववत रुपमा एमाले र माओवादी केन्द्र ब्युँतिने फैसला सुनाएपछि भने ओली र नेपाल एकै ठाउँमा भएका छन् ।  <iframe allow="autoplay; clipboard-write; encrypted-media; picture-in-picture; web-share" allowfullscreen="true" frameborder="0" height="476" scrolling="no" src="https://www.facebook.com/plugins/video.php?height=476&href=https%3A%2F%2Fwww.facebook.com%2Fdekhapadhi%2Fvideos%2F729285017766010%2F&show_text=false&width=380" style="border:none;overflow:hidden" width="380"></iframe>