एमाले र जसपाका शीर्ष नेताहरुबीचको भेटवार्ता सकारात्मक, भोलि पुन: छलफल हुने
<p>काठमाडाैं। प्रधानमन्त्री तथा नेपाल कम्युनिस्ट पार्टी (एमाले) का अध्यक्ष केपी शर्मा ओलीले जनता समाजवादी पार्टी (जसपा) नेपालका शीर्ष नेताहरूसँग छलफल गरेका छन्। </p>
<p>जसपालाई सरकारमा ल्याउने प्रयास गरिरहेका प्रधानमन्त्री ओलीले आज साँझ जसपाका नेताहरुसँग छलफल गरेका हुन्। प्रधानमन्त्रीनिवास बालुवाटारमा भएको छलफलमा एमाले र जसपाका शीर्षस्थ नेताहरु सहभागी थिए। </p>
<p>प्रधानमन्त्रीका प्रेस सल्लाहकार सूर्य थापाले आजको उच्चस्तरीय भेटघाट सकारात्मक भएको बताएका छन्। उनले भोलि पनि कार्यदलस्तरमा अनाैपचारिक छलफल हुने जानकारी दिए।</p>
<p>छलफलमा जसपाले सरकारमा सहभागी हुन राखेको सर्त पूरा गर्न प्रधानमन्त्री सकारात्मक बनेको जसपाका एक नेताले बताए। </p>
प्रतिक्रिया दिनुहोस्
.jpg)
