समाजवादी पार्टीका नेता अशोक राईले भने - 'संविधान संशोधनका लागि निर्णायक वार्ता गर्दैछौँ'
<p>इलाम। समाजवादी पार्टीका वरिष्ठ नेता अशोक राईले संविधान संशोधन नभए सरकारबाट बाहिरिने बताएका छन् । </p>
<p>राईले संविधान संशोधन गर्ने शर्तसहित आफूहरु सरकारमा सहभागी भएको भन्दै संविधान संशोधन समाजवादी पार्टीको प्रमुख अजेण्डा रहेको बताए। </p>
<p>समाजवादी पार्टीले चाँडै सरकार र सरकारको नेतृत्व गरिरहेको नेपाल कम्युनिष्‍ट पार्टीसँग निर्णायक वार्ता गर्ने जानकारी दिए। </p>
<p>संघीय समाजवादी फोरम नेपाल र नयाँ शक्ति पार्टीको नगर समायोजन घोषणा सभालाई इलाममा सम्बोधन गर्दै वरिष्ठ नेता राईले अहिलेको संविधानले सबैलाई समेट्न नसकेकाले संशोधन गरेर सबैलाई स्वीकार्य बनाउन खोजेको बताए। </p>
<p>"सबैलाई समेट्ने खालको संविधान बनाउन सरकारमा गएका थियौँ अब पनि संविधान संसोधन भएन भने सरकारबाट बाहिरिन्छौँ", नेता राईले भने। </p>
<p>वरिष्ठ नेता राईले अन्य दलहरुले राजनीति क्रान्ति समाप्त भएको भन्दै आर्थिक क्रान्तिको कुरा गरिरहेको भन्दै नेपाली समाजमा राजनीतिक क्रान्ति बाँकी नै रहेको बताएका छन्।</p>
प्रतिक्रिया दिनुहोस्
.jpg)
