सूचना टाँसेर संसद बैठक स्थगित, अर्को बैठक १६ पुसमा
<p>काठमाडौं। प्रतिनिधि सभाको आजको बैठक स्थगित भएको छ। </p>
<p>संसद सचिवालयले सूचना टाँस गरेर आज एक बजेको लागि तय गरिएको बैठक विशेष कारणले स्थगित गरिएको जनाएको छ। </p>
<p>संसदको अर्को बैठक १६ पुस दिउँसो एक बजेलाई निर्धारण गरिएको छ। </p>
<p>प्रतिनिधि सभाको आज बस्‍ने बैठकमा सभामुखको निर्वाचनको मिति तोकिने पहिलो कार्यसूची थियो।</p>
<p>तर, सत्तारुढ नेपाल कम्युनिष्‍ट पार्टी (नेकपा) ले सभामुखको उम्मेद्वारको नाम टुग्याइनसकेकाले संसद बैठक स्थगित भएको संसद सचिवालयका एक कर्मचारीले बताए।</p>
<p>सभामुखको निर्वाचन प्रक्रिया शुरु हुनुपूर्व नै राजीनामा दिएर बाटो खुलाउनुपर्ने भएपनि उपसभामुख शिवमाया तुम्बाहाङफेले अहिलेसम्म राजीनामा दिएकी छैनन्। </p>
<p style="text-align:center"><img alt="" height="593" src="https://www.dekhapadhi.com/storage/photos/shares/Politics/notice_parliament.JPG" width="444" /></p>
<p><br />
</p>
प्रतिक्रिया दिनुहोस्
.jpg)
