''गाउँमा विकास भयो भने मात्र संघीयता सफल हुन्छ''- नेकपा अध्यक्ष दाहाल
<p>रुपन्देही। पूर्व प्रधानमन्त्री एवं नेपाल कम्युनिष्ट पार्टीका अध्यक्ष पुष्पकमल दाहालले स्थानीय तहका जनप्रतिनिधिलाई व्यक्तिगत लाभमा नफस्‍न आग्रह गरेका छन्। </p>
<p>रुपन्देहीको तिलोत्तमा नगरपालिकाले आयोजना गरेको लगानी सम्मेलनको उद्घाटन गर्दै दाहालले सिंहदरवारको अधिकारलाई गाउँसम्म पुर्‍याउन निकै दु:ख, त्याग र बलिदान गरेकोले जनताको सेवालाई जनप्रतिनिधीले नजरअन्दाज गर्न नहुने बताए।</p>
<p>दाहालले भने, ''स्थानीय तह, प्रदेश सरकार र समग्र संघीय प्रणालीकै नकारात्मक प्रचार हुन थालेको छ, त्यसमा म आफू निकै चिन्तित हुन थालेको छु'' संघीय गणतन्त्रको परिवर्तन अघिल्ला राजजनीतिक परिवर्तनजस्तो नभई समग्र 'सिष्टम' मा गुणात्मक परिवर्तन भएको दाहालले बताएका छन्।</p>
<p>गाउँमा विकास दिन सके मात्र संघीयता सफल हुने भन्दै अध्यक्ष दाहालले संघदेखि स्थानीय सरकार सबैले राम्रो काम गरे मात्र 'समृद्ध नेपाल सुखी नेपाली' को लक्ष्य पुरा हुने बताए।</p>
<p>कृषि, उद्योग, पर्यटन, यातायात र स्वास्थ्य क्षेत्रसँग सम्बन्धित २२ परियोजनाको प्रस्तावसहित तिलोत्तमा नगरपालिकाले लगानी सम्मेलन आयोजना गरेको हो ।</p>
<p>५० अर्ब लगानी भित्र्याउने लक्ष्य राखिएको सम्मेलनमा नेपाल, भारत, चीन लगायतका देशबाट झण्डै पाँच सय जना लगानीकर्ता सहभागी छन् ।</p>
प्रतिक्रिया दिनुहोस्
.jpg)
