नाम र राजधानी तय गर्न प्रदेश ३ सभामा आज छलफल हुँदै
<p>काठमाडौं। प्रदेश ३ को प्रदेशसभा बैठकमा आजदेखि प्रदेशको नाम र राजधानीको विषयले प्रवेश पाउँदैछ।</p>
<p>दिउँसो तीन बजे बस्‍न लागेको बैठकको कार्यसूची तय गर्न बिहान ११ बजे कार्य व्यवस्था परामर्श समितिको बैठक बोलाइएको प्रदेश सभा सचिव रामशरण घिमिरेले देखापढीलाई बताए।</p>
<p>"आजदेखि प्रदेशको नाम र राजधानीको अजेण्डाले औपचारिक प्रवेश पाउँछ, यसको लागि आज सम्भवत: कार्यविधिबारे छलफल हुनेछ", घिमिरेले जानकारी दिए।</p>
<p>सत्तारुढ नेपाल कम्युनिष्ट पार्टी (नेकपा) को सचिवालय बैठकले प्रदेश ३ को नाम ‘वाग्मती’ र राजधानी ‘हेटौंडा’ कायम गर्न निर्देशन दिइसकेको छ।</p>
<p>तर केन्द्रले हस्तक्षेप गरेको नेकपाकै सांसदहरु असन्तुष्‍ट व्यक्त गरिरहेका छन्।</p>
<p>संवैधानिक व्यवस्था अनुसार प्रदेश सभाको दुई तिहाइ बहुमतबाट प्रदेशको नाम र राजधानी टुंगो लगाउनुपर्छ।</p>
<p>प्रदेश ३ का कूल ११० सांसदमध्ये ८० जना सांसद् नेकपाका छन् ।</p>
<p>त्यस्तै यस प्रदेशमा कांग्रेसका २२, विवेकशील साझाको तीन, नेपाल मजदुर किसान पार्टीको दुई, राप्रपा, राप्रपा संयुक्त र स्वतन्त्रका एक/एक जना सांसद् छन् ।</p>
<p> </p>
प्रतिक्रिया दिनुहोस्
.jpg)
