पहिचानका मुद्दा कार्यान्वयन गरेरै छाड्छौँ : पूर्व प्रम भट्टराई
<p>पोखरा। समाजवादी पार्टीका सङ्घीय परिषद् अध्यक्ष डा. बाबुराम भट्टराईले देशमा पहिचानको मुद्दा स्थापित गर्दै त्यसको कार्यान्वयन गरेर छोड्ने बताएका छन् ।</p>
<p>पार्टीको तमुवान राष्ट्रिय समितिको आज पाेखरामा आयोजित घोषणासभामा पूर्वप्रधानमन्त्री भट्टराईले लामो समयदेखिको एकात्मक सत्ता एवम् सोचका कारण पहिचानको मुद्दा ओझेलमा परेको बताउँदै उक्त मुद्दालाई सही निष्कर्षमा पुर्‍याएर कार्यान्वयन गराउन पार्टी क्रियाशील रहेको बताए । </p>
<p>संविधान संशोधनका माध्यमबाट पहिचानको मुद्दाका साथै राष्ट्रपतीय प्रणाली र पूर्ण समानुपातिक संसद् स्थापित गराउने उनको भनाइ छ ।</p>
<p>उक्त अवसरमा हुमबहादुर गुरुङ नेतृत्वको ३३ सदस्यीय तमुवान राष्ट्रिय समिति घोषणा गरिएको थियो । <em>रासस</em><br />
</p>
प्रतिक्रिया दिनुहोस्
.jpg)
