नेकपा सचिवालय बैठक शुरू हुँदै, ओली-दाहाल छलफल सकियो
<p>काठमाडौं। सत्तारुढ नेपाल कम्युनिष्‍ट पार्टी (नेकपा) सचिवालय बैठक शुरू हुँदैछ। केहीबेरमा बैठक औपचारिक रूपमा प्रधानमन्त्री निवास बालुवाटारमा शुरू हुन लागेको प्रधानमन्त्रीका प्रेस सल्लाहाकार सूर्य थापाले जानकारी दिए।</p>
<p>सचिवालय बैठक अघि दुई अध्यक्षबीच छलफल भएको छ। </p>
<p>“दुईअध्यक्षबीच समसामयीक विषयमा छलफल भयो”, प्रेस सल्लाहाकार थापाले भने, “अब सचिवालय बैठक बस्दैछ।”</p>
<p>सचिवालय बैठकमा प्रस्तुत हुने विषयमा दुईपार्टी अध्यक्षबीच छलफल भएको बालुवाटार स्रोतले जनाएको छ। </p>
<p>दुई अध्यक्षबीच संविधान संशोधनका लागि नेता माधवकुमार नेपालको नेतृत्वमा बनाइएको कार्यदल, निवर्तमान सञ्चारमन्त्री गोकुल बाँस्कोटाको अडिओ प्रकरणपछि नेकपामाथि भइरहेको आलोचना र त्यसको रक्षाको लागि पार्टीले तय गर्ने रणनितिबारे कुराकानी भएको बताइएको छ।</p>
<p>यीनै विषयले सचिवालय बैठकमा पनि प्रवेश पाउने देखिएको छ। </p>
<p>एमसीसीबारे कार्यदलको सुझाव र अब कसरी अगाडि बढ्ने भन्ने विषयमा पनि दुईअध्यक्षले छलफल गरेका छन्। </p>
<p>यस विषयमा सचिवालयमा पनि छलफल हुने भएको छ।<br />
</p>
प्रतिक्रिया दिनुहोस्
.jpg)
