सीको भ्रमणले नयाँ आयाम थप्ने सरकारको भनाइ, प्रतिपक्ष भन्छ– देशको आवश्यकता हेरौं
<p>काठमाडौं । प्रधानमन्त्रीका परराष्ट्र मामिला सल्लाहकार राजन भट्टराईले चिनियाँ राष्ट्रपति सी चिनफिङको २५–२६ असोजमा राजकीय भ्रमणका क्रममा नेपालमा रेल सेवा विस्तारका लागि महत्वपूर्ण समझदारी हुने बताएका छन् ।</p>
<p>आज काठमाडौंमा आयोजित साक्षात्कारमा भट्टराईले चिनियाँ राष्ट्रपतिको भ्रमणका क्रममा रेल सेवा विस्तारसँगै सडकमार्ग विस्तार, विद्युतीय प्रसारण लाइन र कनेक्टिभीटीको क्षेत्रमा नयाँ आयाम थपिने समेत बताए ।</p>
<p>सल्लाहकार भट्टराईले भने, “मुलुकको आर्थिक समृद्धि र विकासको अवधारणालाई अघि बढाउन चिनियाँ राष्ट्रपतिको भ्रमणले महत्वपूर्ण भूमिका खेल्नेछ ।”</p>
<p style="text-align:center"><img alt="" height="540" src="https://www.dekhapadhi.com/storage/photos/shares/Politics/rajan_bhattrai.jpg" width="960" /></p>
<p>सोही कार्यक्रममा प्रमुख प्रतिपक्ष नेपाली कांग्रेसका नेता एवं पूर्व परराष्ट्रमन्त्री प्रकाशशरण महतले चिनियाँ राष्ट्रपतिको नेपाल भ्रमणको स्वागत गर्दै भ्रमणका क्रममा मुलुकको आवश्यकतालाई हेरेर सम्झौता गर्न सरकारलाई सुझाव दिए ।</p>
<p>“नेपालले कुनै पनि मुलुकसँग ऋण सहायता लिँदा विश्व बैंक, एशियाली विकास बैंककोभन्दा कम ब्याजदरमा लिनुपर्छ”, उनले भने ।</p>
<p> </p>
प्रतिक्रिया दिनुहोस्
.jpg)
