केरुङ–काठमाडौँ रेलमार्गमा नेपालको पनि लगानी आवश्यकः चिनियाँ प्राध्यापक
<p><br />
काठमाडौँ। नेपाल–चीन रेलमार्गमा नेपालले पनि लगानी गर्नुपर्ने एक जना चिनियाँ प्रध्यापकले बताएका छन् । चिनियाँ राष्ट्रपति सी चिनफिङको नेपाल भ्रमणको क्रममा ‘केरुङ–काठमाडौँ रेलमार्ग’ निर्माणमा चीनको सहयोग अपेक्षा भइरहेका बेला नेपाल मामिला बुझेका चीनको हुवे विश्वविद्यालयका प्रध्यापक चाङ सुविनले उक्त प्रोजेक्टका लागि नेपालले समेत लगानी गर्नुपर्ने बताएका हुन् । </p>
<p>राष्ट्रपति सीको दुई दिने नेपाल भ्रमणको अवसरमा केरुङ–काठमाडौँ रेलमार्ग सम्भाव्यता अध्ययनका लागि सहमति हुने बताइएको छ। </p>
<p>नेपाल–चीन हिमालयन समाजले आज काठमाडौँमा आयोजना गरेको ‘सी चिनफिङको नेपाल भ्रमणको महत्व तथा आर्थिक विकासमार्फत् साझा समृद्धि प्राप्त गर्न नेपाल चीन सहकार्य’ कार्यक्रममा बोल्दै प्रध्यापक सुविनले सम्भाव्यता अध्ययनले आवश्यक ठर्‍याएमा निर्माण हुने रेलमार्गमा नेपालको पनि लगानी हुनुपर्ने धारणा राखेका हुन्। नेपाललमा चिनियाँ अनुदानमा मात्रै रेलमार्ग निमार्ण गरिनुपर्ने आवाज उठिरँदा प्राध्यापक चाङको यस्तो भनाइ आएको हो।</p>
<p>“नेपालमा रेलमार्ग बीआरआई परियोजना अन्तरगत निमार्ण हुने हो,” प्राध्यापक चाङले भने, “बीआरआईको सदस्य राष्ट्रका रूपमा नेपालले पनि यो परियोजनामा केही लगानी गर्नुपर्छ।”</p>
<p>सोही कार्यक्रममा नेपाल कम्युनिष्ट पार्टीको संसदीय दलका उप–नेता सुवास नेङवाङले चीन र भारतबीच नेपाल पुल बन्ने प्रयासमा लागेको बताए । उप–नेता नेङवाङले भारत–चीन दुवै देशले नेपालमा रेलसेवा विस्तार गर्ने योजना बनाएको बताउँदै यो अवसरलाई नेपालले उपयोग गर्नु पर्ने धारणा राखेका हुन्।</p>
<p>पढ्नुहाेस्</p>
<p><strong><em><a href="https://dekhapadhi.com/news/383"><span style="color:#e74c3c;">चिनियाँ अधिकारीले काठमाडौं आएर भने– नेपाल–चीन रेलमार्ग निर्माण सहज छैन</span></a></em></strong></p>
प्रतिक्रिया दिनुहोस्
.jpg)
