चिनियाँ लगानी स्वागत गर्छौं: देउवा
<p>काठमाडौं। प्रमुख प्रतिपक्षी नेपाली कांग्रेसका सभापति शेरबहादुर देउवाले नेपालको हित र समृद्धिमा सहयोग पुग्ने परियोजनाहरुमा चिनियाँ लगानीको आफूहरुले स्वागत गर्ने बताएका छन्।</p>
<p>नेपालको दुई दिने राजकीय भ्रमणमा रहेका चीनका राष्ट्रपति सी चिनफिङसँग हिजो साँझ भएको भेटमा देउवाले 'बेल्ट एण्ड रोड इनिसिएटिभ' (बीआरआई) लाई आफूहरुको समर्थन रहेको धारणा राखेका छन्।</p>
<p>राष्ट्रपति विद्यादेवी भण्डारीसँगको औपचारिक भेटपछि चिनियाँ राष्ट्रपति सी र कांग्रेस सभापति शेरबहादुर देउवाबीच सोल्टी होटलमा २० मिनेट वान–अन–वान भेटघाट भएको थियो।</p>
<p>कांग्रेस सह–महामन्त्री प्रकाशशरण महतका अनुसार राष्ट्रपति सीले एक चीन नीतिको पक्षमा कांग्रेसले खेलेको भूमिकाको प्रशंसा गरेका थिए।</p>
<p>भेटमा चिनियाँ कम्युनिष्ट पार्टी र नेपाली कांग्रेसबीचको पार्टीगत सम्बन्ध विस्तारबारे पनि कुरा भएको आजको कान्तिपुरमा समाचार छापिएको छ। <br />
</p>
प्रतिक्रिया दिनुहोस्
.jpg)
