नेपालको समृद्धिमा चीनको सहयोग अपरिहार्य: अध्यक्ष तिमिल्सिना
<p>काठमाडौं। राष्ट्रियभाका अध्यक्ष गणेशप्रसाद तिमिल्सिनाले नेपालको समृद्धिको यात्रामा चिनियाँ सहयोग अपरिहार्य भएको बताएका छन्।</p>
<p>नेपालको राजकीय भ्रमणमा रहेका चिनियाँ राष्ट्रपति सी चिनफिङसँग हिजो साँझ भएको भेटमा अध्यक्ष तिमिल्सिनाले सीको भ्रमणले नेपाली जनता खुशी भएको र समृद्धिमा सघाउन आग्रह गरेको बताएका छन्।</p>
<p>तिमिल्सिनाले संघीय संसद्को तर्फबाट राष्ट्रपति सीसँग सोल्टी होटलमा भेट गरेका थिए।</p>
<p>अध्यक्ष तिमिल्सिनाले चिनियाँ राष्‍ट्रपति सीसँग नेपाल एक चीन नीतिमा प्रतिबद्ध रहेको उल्लेख गर्दै चीनका विरुद्ध नेपालमा कुनै गतिविधि हुन नदिने आश्‍वस्त पारेका छन्।</p>
<p>राष्ट्रपति सीले नेपालको 'समृद्ध नेपाल, सुखी नेपाली’ को संकल्प सफल बनाउन चीन सबै किसिमको सहयोग गर्न तयार रहेको राष्‍ट्रपति सीले बताएको अध्यक्ष तिमिल्सिनाले बनाएका छन्। <em>रासस</em><br />
</p>
प्रतिक्रिया दिनुहोस्
.jpg)
