दर्शक, पत्रकार, गोल र प्रत्यक्ष अपडेटविनाको एउटा गोप्य खेल
<p>काठमाडौं। फुटबललाई 'दी ब्युटिफुट' गेम भनिन्छ। विश्‍वमै सबैभन्दा बढि हेरिने अनी बढी चर्चा भएको खेल फुटबल नै हो। तर फुटबल खेल्ने मैदानमा दर्शक भएन भने के मज्जा होला।</p>
<p>साँच्चै सोच्‍नुहोस् त, दर्शक पत्रकार नभएको स्टेडियममा फुटबल खेल्दा खेलाडीलाई कस्तो होला ? तर, विश्व फुटबलमा अहिलेसम्म नभएको यस्तै खेल भएको छ।</p>
<p>फिफा विश्वकप कतार-२०२२ र एएफसी एसिया कप चीन-२०२३ को एसियाली दोस्रो चरणको छनोट अन्तर्गत २८ असोज राति दुई कोरियाबीचको डर्बी खेल कहिल्यै नभएको खेल जस्तो बन्यो। उक्त खेल कुन समयमा सुरु भयो र कति बजे सकियो कसैलाई थाहा भएन। तर, जब नतिजा आयो अनि मात्र थाहा भयो कि खेलको नतिजा, उत्तर कोरिया- शून्य, दक्षिण कोरिया- शून्य।</p>
<p>उत्तर कोरियाको राजधानी प्याङयोङमा भएको खेलमा कुनै गोल हुन सकेन। गोल नभएको भन्दा पनि अन्य विषय चाखलाग्दो र रोमाञ्चक थियो। उक्त खेल खेलाडीले खाली स्टेडियममा खेलेका थिए। स्टेडियममा कुनै दर्शक थिएनन्। उत्तर कोरियाको सरकारी पत्रकारलाई मात्र प्रवेश दिइएको थियो।</p>
<p><img alt="" height="516" src="https://www.dekhapadhi.com/storage/photos/shares/Sports/s koriea vs n koriea.jpg" width="827" /></p>
<p>दुई टिमको अफिसियलहरु मात्र उपस्थित थिए। उक्त खेल हेर्न विश्व फुटबलको सर्वोच्च निकाय फिफाका अध्यक्ष जियानी इन्फान्टिनो समेत पुगेका थिए।</p>
<p>खेलको प्रत्यक्ष प्रसारण त थिएन नै त्यहाँबाट प्रत्यक्ष जानकारी गराउनको लागि इन्टरनेट पनि बन्द गरिएको थियो। खेलअघि उत्तर कोरियाले दक्षिण कोरियालाई खेल सकिएपछि भिडिओ टेप र फोटो दिने सहमति गरेको थियो। त्यो पनि देश छाडेर फर्केपछि।</p>
<p>झण्डै तीन दशकपश्‍चात उत्तर र दक्षिण कोरियाबीच खेल भएको हो। सन् १९९० मा यी दुई देशबीच उत्तर कोरियामा मैत्रीपूर्ण खेल भएको थियो।<br />
<br />
</p>
प्रतिक्रिया दिनुहोस्
.jpg)
