डब्लुसिएलः चितवन राइनोजको विजयी शुरुआत
<p>काठमाडौं। नेपाली क्रिकेट इतिहासमा पहिलो पटक महिला क्रिकेटको फ्रेन्चाइज टी-२० क्रिकेट लिगको शुरुवात भएको छ।</p>
<p>क्वीन्स इभेनट्स म्यानेजमेन्टले आयोजना गरेको वुमन्स च्याम्पियन्स लिग डब्लुसिएलमा चितवन राइनोजले विजयी शुरुवात गरेको छ।</p>
<p>आज कीर्तिपुरस्थित टीयू अन्तर्राष्ट्रिय मैदानमा भएको खेलमा चितवन राइनोजले क्याट क्वीन काठमाडाैंलाई ५ विकेटले पराजित गरेको हो।</p>
<p>चितवनका लागि सुमन खतिवडाले सर्वाधिक २९ रन बनाइन्।</p>
<p>यस्तै प्यारी चौधरीले नटआउट २४ रन योगदान गरिन्।</p>
<p>बलिङमा काठमाडौंका लागि इश्वरी विष्टले २ विकेट लिइन्।</p>
<p>त्यसअघि टस हारेर पहिले ब्याटिङ गरेको क्याट क्वीन काठमाडौंले २० ओभर खेल्दै सबै विकेट गुमाएर ९२ रन बनाएको थियो।</p>
<p>काठमाडौंका लागि ओपनर रश्मी चौलागाईंले सर्वाधिक ३४ रन बनाइन् भने सरस्वती कुमारीले १५ रन जोडिन्।</p>
<p>बाँकी खेलाडीले दोहोरो अंक छुन सकेनन्।</p>
<p>रश्मीले २५ बल खेल्दै ७ चौका प्रहार गरेकी थिइन्।</p>
<p>काठमाडौंलाई कम स्काेरमा रोक्न चितवन राइनोजकी सन्तोषी चौधरीले सर्वाधिक ३ विकेट लिइन्।</p>
<p>यस्तै रेखा रावल र कविता गौतमले २-२ विकेट लिए।</p>
<p>कविताले ४ ओभरमा १ मेडन राख्दै जम्मा १४ रन मात्र खर्चिइन्।</p>
प्रतिक्रिया दिनुहोस्
.jpg)
