रुविनाको कीर्तिमानी ब्याटिङ
<p>काठमाडौं। राष्ट्रिय क्रिकेट टिमकी कप्तान रुविना क्षेत्रीले काठमाडौंमा भइरहेको वुमन्स च्याम्पियन्स (डब्लुसिसएल) लिग टी २० क्रिकेटमा कीर्तिमानी ब्याटिङ गरेकी छन्।</p>
<p>क्वीन्स इभेन्ट म्यनेजमेन्टको आयोजनामा २९ असोजदेखि कीर्तिपुरमा शुरु डब्लुसिएलको दोस्रो दिन रुविना शानदार ब्याटिङ गर्दै अर्धशतक बनाउने पहिलो खेलाडी बनिन्।</p>
<p>टीयू अन्तर्राष्ट्रिय मैदानमा भएको पोखरा पल्टनविरुद्धको खेलमा अलराउण्डर रुविनाले नटआउट ८३ रन बनाइन्।</p>
<p>वान डाउनमा ब्याटिङ गर्न क्रिज पुगेका रुविनाले बाउण्ड्रीको वर्षा गर्दै अर्धशतक पूरा गरेकी हुन्। उनले ६७ बल खेल्दै १४ चौका र २ छक्का प्रहार गरिन्। रुविनाले ६८ रन बाउन्ड्रीबाट जोडेकी थिइन्।</p>
<p><img alt="" height="489" src="https://www.dekhapadhi.com/storage/photos/shares/Sports/rubina 1.jpg" width="840" /></p>
<p>तेस्रो ओभरमा २२-२ हुँदा ब्याटिङ गर्न क्रिज पुगेकी रुविनाले तेस्रो विकेटका लागि रोमा थापासँग र छैटौँ विकेटका लागि इश्वरी विष्टसँग अर्धशतकीय साझेदारी समेत गरिन्।</p>
<p>रुविनाले रोमासँग मिलेर ६४ रन जोडिन् भने इश्वरीसँग नटआउट ६१ रनको साझेदारी गरिन्।</p>
<p>रुविनालाई गतिलो साथ दिने क्रममा रोमाले १९ रन बनाउदा इश्वरी १० रनमा नटआउट रहिन्।</p>
<p>पोखरा पल्टनका लागि अनुराधा चौधरीले ४ ओभरमा २८ रन खर्चेर ४ विकेट लिइन्।<br />
</p>
प्रतिक्रिया दिनुहोस्
.jpg)
