विश्व उसु च्याम्पियनसिपमा ११ नेपाली खेलाडीले प्रतिस्पर्धा गर्ने
<p>काठमाडौं। १५औं विश्व उसु प्यासीफिक च्याम्पियनसिपमा सहभागि हुन नेपाली उसु खेलाडी चीनतर्फ प्रस्थान गरेका छन्।</p>
<p>उक्त च्याम्पियनसिपमा सहभागि हुन जाने खेलाडी एवं प्रशिक्षकलाई नेपाल उसु महासंघका अध्यक्ष वीरबहादुर तामाङले आज बिदाई गरेका छन्।</p>
<p>च्याम्पियनसिपमा नेपालबाट विभिन्न विधामा ११ जना खेलाडीहरुले आफ्नो चुनौती प्रस्तुत गर्नेछन्। थाउलुतर्फ सुस्मीता तामाङ,निमा घर्तीमगर,विजय सिन्जाली,दिपक हमाल,मिना ग्लान,विश्व बुढामगर,कविता थापा र शिवजी सिलवालले सहभागिता जनाउने छन् भने सान्सोतर्फ विन्दु पुनमगर,जुली राई र किरण सिंह सावदले सहभागिता जनाउने छन्।</p>
<p>टोलीको प्रशिक्षकमा तुलसीनन्द बज्राचार्य र व्यवस्थापकमा लानम लामा रहनेछन्। चीनको सांघाइमा १९-२५ अक्टुबरसम्म च्याम्पियनसिप आयोजना हुनेछ।</p>
<p>त्यसैगरी सांघाइमै १९ अक्टुबरमा हुने १५औं विश्व उसु कंग्रेसमा सहभागि हुन नेपाल उसु महासंघका अध्यक्ष वीरबहादुर तामाङ,महासचिव लाक्पा छिरिङ्ग लामा र केन्द्रीय सदस्य सान्देन शेर्पा पनि त्यसतर्फ प्रस्थान गर्दैछन्।</p>
<p>प्रतियोगितामा सहभागी हुने टोली आजै त्यसतर्फ प्रस्थान गर्दैछ भने महासंघका अध्यक्ष भोली त्यसतर्फ प्रस्थान गर्ने छन्।<br />
</p>
प्रतिक्रिया दिनुहोस्
.jpg)
