डब्लुसिएल: विराटनगर टाइटन्सको लगातार दोस्रो जित
<p>काठमाडौं। विराटनगर टाइटन्सले वुमन च्याम्पियन्स लिग (डब्लुसिएल) टी २० क्रिकेटमा लगातार दोस्रो जित हात पारेको छ।</p>
<p>क्‍वीन्स इभेन्टस म्यानेजमेन्टको आयोजनामा भइरहेको प्रतियोगितामा आजको पहिलो खेलमा विराटनगरले पोखरा पल्टनलाई ६ विकेटले पराजित गरेको हो।</p>
<p>विराटनगरले पहिलो खेलमा ललितपुर फाल्कन्सलाई हराएको थियो। पोखराको भने यो लगातार दोस्रो हार हो। पोखरा यसअघि क्याट क्‍वीन्स काठमाडौंसँग पराजित भएको थियो।</p>
<p>कीर्तिपुरस्थित टीयू मैदानमा विराटनगरले ९५ रनको लक्ष्य १५ ओभर खेल्दै ४ विकेट गुमाएर पूरा गरेको हो। विराटनगरका लागि लक्ष्मी चौधरीले २३ र ज्योती पाण्डेले २२ रन बनाए। बलिङमा विराटनगरका सवनम राईले २ विकेट लिइन्।</p>
<p>त्यसअघि टस जितेर पहिले ब्याटिङ गरेको पोखराले निर्धारित २० ओभरमा ५ विकेट गुमाएर ९४ रन बनाएको थियो। पोखराका लागि कविता कुँवरले नटआउट २२ रन बनाइन्।</p>
<p>बलिङमा पोखराका लागि सीता राना मगरले २ विकेट लिइन्।</p>
<p>आजै ललितपुर फाल्कन्स र चितवन राइनोजबीच खेल हुनेछ।</p>
प्रतिक्रिया दिनुहोस्
.jpg)
