इरान जाने फुटसल टोलीको बिदाइ
<p>काठमाडौं। एएफसी फुटसल च्याम्पियनसीप छनोट खेल्न नेपाली राष्ट्रिय फुटसल टोली ३ कात्तिकमा इरान जाने भएको छ।</p>
<p>इरान जाने १४ खेलाडी र ६ अफिसियलसहित २० सदस्यीय नेपाली फुटसल टोलीलाई अखिल नेपाल फुटबल संघ (एन्फा) का वरिष्ठ उपाध्यक्ष पंकजविक्रम नेम्बाङ लगायतले बिदाई गरेका छन्।</p>
<p>छनोट २३-२५ अक्टुबरमा इरानमा आयोजना हुनेछ।</p>
<p>छनोट अन्तर्गत नेपाल सेन्टर र साउथ जोनको समूह ए मा रहेको छ। नेपालको समूहमा ताजकिस्तान, उज्वेकिस्तान र अफगानिस्तान छन्।</p>
<p>समूह बी मा इरान, किर्गिस्तान र तुर्कमेनिस्तान छन्। नेपालले पहिलो खेल २३ अक्टुबरमा ताजकिस्तानसँग खेल्नेछ। त्यस्तै दोस्रो खेल २४ अक्टुबरमा उज्बेकिस्तानसँग र तेस्रो खेल २५ अक्टुबरमा अफगानिस्तानसँग खेल्नेछ।</p>
<p><em>नेपाली फुटसल टोलीको नामावली</em></p>
<p>१. अनिस श्रेष्ठ २. सुमित आले ३. सञ्जोग चाम्लिङ राई</p>
<p>४. सरोज तामाङ ५. आदिल हमिद ६. अभय राणा</p>
<p>७. अरुज सिंह ८. बिजय श्रेष्ठ ९. बिजय गुरुङ</p>
<p>१०. सुरज गुरुङ ११. बिनोद गुरुङ १२. आशिस लामा</p>
<p>१३. मनि लामा १४. निर्मल गुरुङ </p>
<p>मूख्य प्रशिक्षक : विष्णु गुरुङ प्रशिक्षक : गौरव बस्नेत<br />
</p>
प्रतिक्रिया दिनुहोस्
.jpg)
