पाकिस्तानी क्रिकेट कप्तान सर्फराज हटाइए
<p>काठमाडौं। पाकिस्तानको टेष्ट र टी-२० को कप्तानबाट सर्फराज अहमद हटाइएका छन्।</p>
<p>पछिल्लो समय खराब 'फर्म' का कारण उनलाई दुई फर्म्याटको कप्तानबाट हटाइएको पाकिस्तान क्रिकेट बोर्ड (पीसीबी) ले जनाएको छ।</p>
<p>यस्तै पीसीबीले लामो फर्म्याटको क्रिकेट, टेष्टका लागि अजर अलीलाई कप्तान नियुक्त गरेको छ।</p>
<p>टी-२० मा बाबर अजामलाई कप्तानको जिम्मेवारी दिइएको छ।</p>
<p>“पाकिस्तान राष्ट्रिय क्रिकेट टिमको उत्कृष्ट फर्ममा रहेको बेला कप्तान गर्न पाउनुजस्तो सम्मान अरु केहीमा हुँदैन।” टेष्ट कप्तान नियुक्त भएका अजरले भने।</p>
<p>अजरले यसअघि पनि टेष्ट र ओडीआईको कप्तानी गरिसकेका छन्। यस्तै टी-२० मा कप्तान बनेका ब्याट्सम्यान बाबरले पूर्व कप्तान सर्फराजले प्राप्त गरेको उपलब्धीलाई कायम राख्नु आफ्नो उत्तरदायीत्व भएको बताए।</p>
<p>उनले पाकिस्तानी टिमलाई नेतृत्व गर्नु आफ्नो लागि सम्मान भएको बताउँदै यो यात्रामा सहयोग गर्ने सबै खेलाडी, प्रशिक्षक, छनाेटकर्तालाई धन्यवाद दिएका छन्। <br />
</p>
प्रतिक्रिया दिनुहोस्
.jpg)
