Sports

गृहपृष्ठ

महिला भलिबल टोली थाइल्याण्ड टुरमा : पहिलो मैत्रीपूर्ण खेलमा नेपाल विजयी काठमाडौं । नेपालमा हुने १३औं सागको तयारी खेलका लागि वैदेशिक भ्रमणमा रहेको नेपाली महिला भलिबल टिमले पहिलो मैत्रीपुर्ण खेलमा जीत हात पारेको छ। थाइल्याण्डको राजधानी बैंककमा १ कात्तिकमा भएको खेलमा नेपालले स्थानीय टिमलाई ३-१ को सेटमा पराजित गरेको हो । खेलमा नेपाल २५-१५, २२-२५, २५-१६, २५-१९ ले विजयी भएको नेपाली टोलीका व्यवस्थापक रिता कोइरालाले थाइल्याण्डबाट जानकारी दिइन्। बुधबार थाइल्याण्ड गएको नेपालले बिहीवार प्रशिक्षण गरेको थियो। नेपाल भलिबल संघको पहल, राष्ट्रिय खेलकुद परिषद्को सहयोग र थाई भलिबल संघको सहकार्यमा नेपाली टोली तीन हप्ताका लागि थाइल्याण्ड गएको हो ।