ला लिगा: रियल मड्रिडको अपराजित यात्रा टुंगियो, बार्सिलोनालाई फाइदा
<p>काठमाडौं। स्पानिस ला लिगामा रियल मड्रिडले यस सिजनको पहिलो हार बेहोरेको छ।</p>
<p>८ खेलसम्म अपराजित रहेको रियल मालोर्कासँग पराजित भएको हो। गएराती भएको खेलमा रियल मड्रिड भने मालोर्कासँग १-० ले पराजित भएको छ। जसले गर्दा बार्सिलोना शीर्ष स्थानमै रहन सफल भएको छ।</p>
<p>९ खेलबाट बार्सिलोनाको १९ अंक छ भने रियलको १८ अंक छ। घरेलु मैदानमा लागो जुनियरले सातौँ मिनेटमा गरेको गोल नै मालोर्काको जितमा निर्णायक बन्यो।</p>
<p>७४औं मिनेटमा अल्भारो ओड्रिओजोलाले रातो कार्ड पाएपछि रियल दश खेलाडीमा झरेको थियो।</p>
<p>हिजो भएको खेलमा बार्सिलोनाले आइबरलाई ३-० ले पराजित गर्दै अंकतालिकामा रियललाई पछि पारेको थियो।</p>
<p>उक्त खेलमा बार्सिलोनाका कप्तान लिओनल मेसी, लुइस सुअरेज र एन्टोनी ग्रीजमनले गोल गरेका थिए।<br />
</p>
प्रतिक्रिया दिनुहोस्
.jpg)
