अष्ट्रेलियाको शारीरिक सुगठनमा नेपाली युवा ‘च्याम्पियन अफ च्याम्पियन’
<p>काठमाडौं। अष्ट्रेलियामा भएकाे राज्यस्तरीय शारीरिक सुगठनमा नेपाली युवा प्रेमराज भट्ट च्याम्पियन अफ च्याम्पियन भएका छन्।</p>
<p>विश्व शारीरिक सुगठनअन्तर्गत न्यु साउथ वेल्स, अष्ट्रेलिया टाइटल २०१९ का लागि आज भएकाे फाइनलमा उनले पुरुष फिजिक्सतर्फ उपाधि जितेका हुन्।</p>
<p>प्रतिस्पर्धा लिभरपुलको क्याथलिक क्लबमा भएको थियाे।</p>
<p>याे सँगै भट्टले अष्ट्रेलियाको राष्ट्रिय खेलमा न्यु साउथ वेल्स राज्यका तर्फबाट प्रतिनिधित्व गर्ने भएका छन्।</p>
<p>उनी नेपाली क्लबबाट फिटनेस नेपाल (क्याम्सी), सेप्स टु (काठमाडौं)बाट सहभागी भएका थिए।</p>
<p>पुरुष फिजिक्सतर्फ पहिलो पटक (बिगिनर) र सर्टहाइट (१७२ सेन्टिमिटर)मा प्रतिस्पर्धा गरेका भट्टले दुवैमा स्वर्ण पदक जितेका थिए।</p>
<p>त्यसपछि सबै समूहभित्र स्वर्ण जित्ने खेलाडीको प्रतिस्पर्धामा पनि उनी विजेता बन्दै च्याम्पियन अफ च्याम्पियन बनेका हुन्। </p>
<p>प्रतियोगितामा डेढ सय खेलाडीले प्रतिस्पर्धा गरेका थिए।</p>
<p>यसअघि थाइल्याण्डको चाङमइमा भएको १० औं विश्व शारीरिक सुगठन तथा फिजिक स्पोर्ट्स च्याम्पियनसिपमा नेपालका महेश्वर महर्जनले स्वर्ण पदक जितेका थिए।</p>
प्रतिक्रिया दिनुहोस्
.jpg)
