डब्लुसीएलः कविता कुँवरको अर्धशतकमा पोखरा पल्टनको सान्त्वना जित
<p>काठमाडौं। पोखरा पल्टनले वुमन च्याम्पियन्स लिग टी-२० क्रिकेटमा सान्त्वना जित हात पारेको छ।</p>
<p>कीर्तिपुरस्थित टीयू मैदानमा भएको लिगअन्तर्गत आज भएको अन्तिम लिग खेलमा पोखराले ललितपुर फाल्कोन्सलाई ६ विकेटले पराजित गरेको हो।</p>
<p>कविता कुँवर र विन्दु रावलले उत्कृष्ट ब्याटिङ गरेपछि पोखराले १२३ रनको लक्ष्य १७.२ ओभर खेल्दै ४ विकेट गुमाएर पूरा गरेको हो।</p>
<p>५ रन हुँदा ३ विकेट गुमाएको पोखराका लागि कविता र विन्दुले चौथो विकेटका लागि १०६ रनको साझेदारी गरे।</p>
<p>उत्कृष्ट ब्याटिङ गरेकी कविता कुँवरले नटआउट ६१ रन बनाइन्।</p>
<p>उनले ४२ बल खेल्दै १० चौका प्रहार गरिन्।</p>
<p>विन्दुले ४० रन बनाइन्।</p>
<p>बलिङमा ललितपुरका लागि ममता चौधरी र नेरी थापाले २ विकेट लिइन्।</p>
<p>त्यसअघि ललितपुरले पहिले ब्याटिङ गर्दै निर्धारित २० ओभरमा १२२ रन बनाएको थियो।</p>
<p>ललितपुरका लागि ममता चौधरीले नटआउट ५२ रन बनाइन् भने कविता जोशीले ३१ रन जोडिन्।</p>
<p>पोखराकी कप्तान सीता रानामगरले २ विकेट लिइन्।</p>
प्रतिक्रिया दिनुहोस्
.jpg)
