थाइल्याण्डमा नेपाली महिला भलिबल टीमको पहिलो हार
<p>काठमाडौं । नेपालमा हुने १३औं सागको तयारी खेलका लागि विदेश भ्रमणमा रहेको महिला भलिबल टीमले थाइल्याण्डमा भएको अभ्यास खेलमा पहिलो हार व्यहोरेको छ।</p>
<p>यसअघि लगातार दुई अभ्यास खेल जितेको नेपाली टोली आज नाकोरनोन्ट यू–१८ टोलीसँग ३-० को सेटमा पराजित भएको हो। नाकोरनोन्ट यू–१८ टोलीसँग नेपाल २५-१८, २६-२४, २५-२० ले पराजित भएको हो।</p>
<p>प्रशिक्षण र अभ्यास खेलको लागि नेपाली टोली ३० असोजमा थाइल्याण्ड गएको थियो।</p>
<p>थाइल्याण्डमा करीब तीन साताको अभ्यास र केही मैत्रीपूर्ण खेलपश्‍चात टोली नेपाल फर्कनेछ।</p>
<p> बाङ्लादेशमा आयोजना हुने प्रथम एभीसी एशियन सिनयर वुमन सेन्ट्रल जोन भलिबल च्याम्पियनसीप र नेपालमै १३औं दक्षिण एशियाली खेलकुद (साग) का लागि थाइल्याण्ड टूरले सहयोग पुग्ने नेपाल भलिबल संघको विश्वास छ।</p>
<p>पहिलो पटक हुन लागेको महिलाको सेन्ट्रल जोन च्याम्पियनसीप २२-२७ कात्तिकसम्म ढाकामा सञ्चालन हुनेछ। यस्तै १३औं साग १५-२४ मंसीरमा हुनेछ। </p>
प्रतिक्रिया दिनुहोस्
.jpg)
