धनगढीमा विद्यालयस्तरीय क्रिकेट प्रतियोगिता हुँदै
<p>कैलाली। धनगढीमा विद्यालयस्तरीय राष्ट्रिय टी–२० क्रिकेट प्रतियोगिता हुने भएको छ।</p>
<p>संस्कार क्रिकेट एकेडेमीले १६ कात्तिकदेखि २६ कात्तिकसम्म निस्ट कलेज लिटल फ्लावर प्रिमियर लिग–४ क्रिकेट प्रतियोगिता आयोजना गर्ने भएको हो।</p>
<p>प्रतियोगिता संघीय प्रहरी इकाइको मैदानमा हुने संस्कार एकेडेमीका अध्यक्ष रामचन्द्र शाहीले जानकारी दिए।</p>
<p>लिगकम नकआउट फम्र्याटमा हुने प्रतियोगिताको विजेता टीमले दुई लाख रुपैयाँसहित ट्रफी पुरस्कार प्राप्त गर्नेछ। उपविजेताले एक लाख रुपैयाँ पुरस्कार पाउनेछ।</p>
<p>प्रतियोगिताका उत्कृष्ट खेलाडीले १५ हजार रुपैयाँ, उत्कृष्ट ब्याट्सम्यान, बलर, फिल्डरले नगद पाँच÷पाँच हजार रुपैयाँ र हरेक खेलका म्यान अफ दी म्याचले एक हजार ५०० रुपैयाँ पुरस्कार प्राप्त गर्ने आयोजकले जनाएको छ।</p>
<p>प्रतियोगितामा कैलाली, बाँके, कञ्चनपुर, काठमाडौं, भक्तपुरका १२ विद्यालयहरूको सहभागिता रहनेछ।</p>
<p>टीममा सोही विद्यालयका कक्षा १० सम्म अध्ययनरत १० खेलाडी र चारजना १९ वर्षमुनिका नेपाली क्रिकेट खेलाडी हुनुपर्ने आयोजकले जनाएको छ।</p>
<p>प्रतियोगितामा उत्कृष्ट प्रदर्शन गर्ने कक्षा १० सम्म अध्ययनरत खेलाडीहरूमध्ये उत्कृष्ट छनोट गरेर एक दिवसीय प्रतियोगिता सञ्चालन गर्ने पनि आयोजकको भनाइ छ।</p>
<p>विद्यालयस्तरबाटै खेलाडी उत्पादन गर्ने उद्देश्यले विगत चार वर्षदेखि विद्यालयस्तरीय क्रिकेट प्रतियोगिता आयोजना गर्दै आएको एकेडेमी अध्यक्ष शाहीले बताए।</p>
<p> </p>
प्रतिक्रिया दिनुहोस्
.jpg)
