.JPG)
भोजपुर मेयर कप महिला फुटबलको उपाधि भैसीपंखालाई
<p><br />
भोजपुर। भोजपुर नगरपालिका-१०, भैंसीपंखाले दोस्रो मेयर कप महिला फुटबल प्रतियोगिताको उपाधि जितेको छ।</p>
<p>आज भएको फाईनलमा भोजपुर नगरपालिका-११, आम्तेकलाई ४-० गोलअन्तरले पराजित गरेर भैंसीपंखा प्रतियोगिताको च्याम्पियन बनेको हो। </p>
<p>टीमलाई जित दिलाउन भैंसीपंखाकी सम्झना लावती र ईमा राईले २/२ गोल गरे।</p>
<p>जितसंगै भैंसीपंखाले नगद एक लाख रूपैयाँसहित ट्रफि हात पारेको छ। दोस्रो हुने आम्तेकले ५० हजार रूपैयाँ जितेको छ।</p>
<p>भोजपुर सदरमुकामस्थित टुँडिखेलमा ३० असोजदेखि सञ्‍चालन भएको प्रतियोगितामा भोजपुर नगरपालिका, टेम्केमैयुङ गाउँपालिका र हतुवागढी गाउँपालिकाका ६ टीम प्रतिस्पर्धी थिए।</p>
<p>भोजपुर जिल्ला फुटबल संघले आयोजना गरेको प्रतियोगिता भोजपुर नगरपालिकाले प्रायोजन गरेको हो ।</p>
<p>विजेता र उपविजेता टीम तथा खेलाडीहरूलाई भोजपुर नगरपालिकाका मेयर कैलाशकुमार आलेले नगद पुरस्कार तथा ट्रफि प्रदान गरे।</p>
<p><img alt="" height="472" src="https://www.dekhapadhi.com/storage/photos/shares/Sports/Bhojpur mayer cup woman football (2).jpg" width="840" /></p>
<p> </p>
प्रतिक्रिया दिनुहोस्
.jpg)
