डब्लुसिएलकाे ट्रफि चन्द्रागिरीमा, दुवै कप्तानकाे लक्ष्य उपाधि जित्ने
<p>काठमाडौं। वुमन च्याम्पियन्स लिग (डब्लुसिएल) टी- २० लिगकाे उपाधिका लागि भाेली (बिहीवार) क्याट क्विन्स काठमाडौं र चितवन राइनाेज भिड्दैछन।</p>
<p>फाइनलअघि आयाेजक क्विन्स इभेन्ट म्यानेजमेन्टले फाइनलिस्ट दुई कप्तानसंगै विजेताले पाउने ट्रफि चन्द्रागिरीमा सार्वजनिक गरेको छ। </p>
<p>काठमाडौंकी कप्तान रुविना क्षेत्री र चितवनकी कप्तान इन्दु बर्मा दुवैले फाइनलको लागि तयार रहेकाे र उपाधि जित्ने लक्ष्य रहेकाे बताए।</p>
<p>लिग चरणकाे पहिलाे खेलमै यी दुई टीम भिडेका थिए जसमा चितवनले जितेको थियाे। लिगमा चितवन अपराजित रहँदै ४ खेल जितेकाे थियाे।</p>
<p>लिगमा चितवनसँग मात्र हारेकाे काठमाडौंले एलिमिनेटरमा विराटनगर टाइटन्सलाई पराजित गरेर फाइनलमा स्थान बनाएकाे हाे।</p>
प्रतिक्रिया दिनुहोस्
.jpg)
