एएफसी यू १६ क्वालिफायर: नेपाल ताजिकिस्तानसँग ७-० ले पराजित
<p>काठमाडौं। जोर्डनमा भइरहेको एएफसी यू–१६ च्याम्पियनसिप क्‍वालिफायर अन्तर्गत तेस्रो खेलमा नेपालले ताजिकिस्तानसँग ७-० को फराकिलो हार व्यहोरेको छ। </p>
<p>३ असोजमा भएको खेलमा बलियो टोली ताजिकिस्तानसँग दोस्रो हारपछि नेपाल क्‍वालिफायरबाटै बाहिरिएको छ। जार्कास्थित प्रिन्स मोहम्मद अन्तर्राष्ट्रिय रंगशालामा पहिलो हाफमा ४ गोल खाएको नेपालले दोस्रो हाफमा थप ३ गोल खाएको थियो।</p>
<p>नेपालविरुद्ध सहज जितपछि ताजिकिस्तानले अपराजित यात्रा कायम राख्दै तीन खेलबाट नौ अंक जोडेको छ। तीन खेलमा दुई हार एक बराबरीपछि नेपालको एक अंक छ। नेपाल अझै जितविहिन छ।</p>
<p>नेपाल पहिलो खेलमा घरेलु टोली जोर्डनसँग ७-० ले पराजित भएको थियो भने दोस्रो खेलमा कुवेतसँग १-१ गोलको बराबरी खेलेको थियो । समूह ए मा रहेको नेपालले अब अन्तिम खेल ५ असोजमा श्रीलंकासँग खेल्नेछ। </p>
<p>यसै समूहको अर्को खेलमा जोर्डनलाई कुवेतले १-१ को बराबरीमा रोकेको छ।</p>
प्रतिक्रिया दिनुहोस्
.jpg)
