एएफसी यू-१६ क्वालिफायर: श्रीलंकामाथि नेपालको सान्त्वना जित
<p>काठमाडौं। जोर्डनमा भइरहेको एएफसी यू-१६ च्याम्पियनसिप क्‍वालिफायर नेपालले सान्त्वना जित हात पारेको छ। </p>
<p>५ असोजमा भएको खेलमा नेपाल यू-१६ टोलीले श्रीलंकन यू-१६ लाई ३-० ले पराजित गरेको हो। जोर्डनको जाक्रास्थित प्रिन्स मोहम्मद स्टेडियममा भएको खेलमा नेपाललाई जिताउन ३६ औं मिनेटमा मोहित गुरुङ, ६४ औं मिनेटमा अनिल चौलागाँई र ८९ औं मिनेटमा जान तमिलले गोल गरे। </p>
<p>समूह 'ए' मा नेपालले यसअघि जोर्डन र ताजिकिस्तानसँग समान ७-० को हार ब्यहोरेको थियो। यस्तै कुवेतसँग १-१ को बराबरी खेलेको थियो।</p>
<p>५ राष्‍ट्र रहेको यस समूहमा नेपाल ४ अंक जोड्दै चौथो भएको छ। सबै ४ खेल हारेको श्रीलंका अंकविहीन हुँदै अन्तिम स्थानमा रह्यो। यस समूहको अन्तिम खेलमा घरेलु टोली जोर्डनले शीर्ष स्थानको ताजिकिस्तानसँग आज खेल्दैछ। </p>
<p>ताजिकस्तानले ३ खेल जित्दै ९ अंक जोडेको छ। २ जित र १ बराबरीबाट जोर्डनको ७ अंक छ।</p>
प्रतिक्रिया दिनुहोस्
.jpg)
