'बेष्ट फिफा अवार्ड' लियोनल मेसीलाई, छैठौं पटकको कीर्तिमानी जित
<p>सन् २०१९ को पुरूष फुटबलतर्फको 'बेष्ट फिफा अवार्ड' लियोनल मेसीले जितेका छन् ।</p>
<p>इटालीको मिलानमा गएराति सम्पन्न कार्यक्रममा क्रिस्टियानो रोनाल्डो र भर्जिल भान डाइकलाई पछि पार्दै मेसीले छैठौं पटक ‘द वेष्ट फिफा अवार्ड’ को उपाधि जिते।</p>
<p>उनले यसअघि सन् २००९, २०१०, २०११, २०१२ र २०१५ मा यो अवार्ड जितिसकेका थिए। यसअघि रोनाल्डो र मेसीले समान ५-५ पटक उपाधि जितेका थिए।</p>
<p>३२ वर्षे अर्जेन्टिनी स्ट्राइकर मेसीले यो सिजनमा बार्सिलोनालाई ला लिगाको उपाधि दिलाएका थिए भने च्याम्पियन्स लिगमा सेमी-फाइनलसम्म पुर्‍याएका थिए।</p>
<p>मेसीले आफ्ने क्लव बार्सिलोना र अर्जेन्टिनाका लागि सन् २०१८-२०१९ मा ५८ खेलबाट ५४ गोल गरेका थिए। त्यस्तै प्रतिष्पर्धामा रहेका क्रिस्टियानो रोनाल्डोले ४७ खेलबाट ३१ गोल गरेका थिए।</p>
<p>यसैगरी महिलातर्फको अवार्ड अमेरिकी फरवार्ड मेगन रापिनोले जितिन्। अमेरिकालाई विश्वकप विजेता बनाउँदा उनी सर्वाधिक गोलकर्ता उत्कर्ष्ट खेलाडी घोषित भएकी थिइन् । पहिलो पटक फिफा अवार्ड जित्ने क्रममा उनले आफ्नै टिमकी एलेक्स मोर्गन र इंग्ल्याण्डका लुसी ब्रोन्सलाई पछि पारिन् । </p>
<p>यस्तै गत सिजन लिभरपुललाई च्याम्पियन्स लिगको उपाधि दिलाउन सफल योर्गन क्लोपले फिफा कोच अफ दि इअरको अवार्ड जितेका छन्। उनले म्यानचेष्टर सिटीका पेप गोर्डिओला र टोटनहम हट्सपरका माउरिसिओ पोचेटिनोलाई पछि पारे। महिला प्रशिक्षकको उपाधि अमेरिकालाई विश्वकप दिलाएकी जिल एलिसले हात पारिन्। </p>
<p><strong>कसले कुन अवार्ड पाए? </strong><br />
पुरुष खेलाडी: लिओनल मेसी (बार्सिलोना र अर्जेन्टिना)<br />
महिला खेलाडी: मेगन रापिनो (रेन एफसी र अमेरिका)<br />
पुरुष प्रशिक्षक: योर्गन क्लोप (लिभरपुल)<br />
महिला प्रशिक्षक: जिल एलिस (अमेरिका)<br />
पुरुष गोलकिपर: एलिसन (लिभरपुल र ब्रजिल) <br />
महिला गोलकिपर: सारी भान (भेनेन्डल एट्लेटिको मड्रिड र नेदरल्याण्ड्स)<br />
पुस्कास अवार्ड: ड्यानिएल सोरी <br />
फ्यान अवार्ड: सिल्भिओ ग्रेक्को पाल्मेरियास <br />
फेयर प्ले अवार्ड: मार्सेलो (लिड्स युनाइटेड)<br />
फिफा प्रो पुरुष ११: एलिसन, माथिस डे लिट, मार्सेलो, सर्गियो रामोस, भर्जिल भान डाइक, फ्रेन्की डे जोङ, एडेन हाजार्ड, लुका मोडरिच, क्रिस्टियानो रोनाल्डो, किलिएन एमबाप्पे र लिओनल मेसी।<br />
फिफा प्रो महिला ११: भान भेनेन्नडाल, लुसी ब्रोन्स, निला फिसर, केले ओुहारा, वेन्डी रेनार्ड, जुली एर्टज, अमान्डिने हेनरी, रोस लाभेले, मार्टा, एलेक्स मोर्गन र मेगन रापिनो।</p>
प्रतिक्रिया दिनुहोस्
.jpg)
