ला लिगा : दुवै मड्रिड क्लब विजयी, रियल शीर्ष स्थानमा उक्लियो
<p>काठमाडौं। मड्रिडका दुई क्लब रियल र एट्लेटिकोले स्पानिस ला लिगामा जित हात पारेका छन्। </p>
<p>गएराती भएको खेलमा रियलले ओसासुना तथा एट्लेटिकोले मालोर्कालाई समान २-० गोल अन्तरले हरायो। सिजनको चौथो जित हात पारेको रियल मड्रिड लिगमा अपराजित यात्रा कायम राख्दै शीर्ष स्थानमा उक्लेको छ। रियलले ६ खेलबाट १४ अंक जोडेको छ।</p>
<p>समान खेलबाट ४ जित र एक बराबरीको नतिजा निकोले एट्लेटिको १३ अंकसहित दोस्रो स्थानमा उक्लेको छ। रियलका लागि घरेलु मैदानमा जित दिलाउन भिनियस जुनिएरले ३६ औं र रोड्रिगोले ७२ औं मिनेटमा गोल गरे।</p>
<p>दश खेलाडीमा झरेर खेलको अन्त्य गरेको एट्लेटिकोका लागि डिएगो कोस्टाले २६औं र जाओ फेलिक्सले ६४ औं मिनेटमा गोल गरे। एट्लेटिकोका अल्भारो माराटा ७७औं मिनेटमा रातो (दोहोरो पहेँलो) कार्ड खाँदै मैदान बाहिरिएका थिए। </p>
<p>यस्तै एथ्लेटिक विल्वाओले लेगानेससँग बराबरी खेल्दै अपराजित यात्रा कायम राखेको छ। यस सिजन रियल मड्रिड र विल्वाओ मात्र लिगमा अपराजित छन्।</p>
<p>६ खेलबाट ३ जित र ३ बराबरीको नजिता निकालेको विल्वाओ १२ अंकसहित तेस्रो स्थानमा छ। साविक विजेता बार्सिलोना १० अंकका साथ पाँचौ स्थानमा छ।<br />
</p>
प्रतिक्रिया दिनुहोस्
.jpg)
