साफ यू-१८ च्याम्पियनसिप: भुटानलाई हराउँदै बाङ्लादेश फाइनलमा
<p>काठमाडौंमा भइरहेको तेस्रो संकरणको च्याम्पियनसिप अन्तर्गत आज भएकाे पहिलो सेमिफाइनलमा बाङ्लादेशले भुटानलाई ४-० ले पराजित गरेको हो।</p>
<p>भुटान समूह ए को विजेता तथा बाङ्लादेश समूह बी को विजेता बन्दै सेमिफाइनल पुगेका थिए।</p>
<p>भुटानले समह चरणमा नेपाललाई ३-० ले पराजित गरेको थियो।</p>
<p>हलचोकस्थित एपीएफ मैदानमा भएको खेलमा बाङ्लादेशलाई फराकिलो जित दिलाउन मोहम्मद तनवीर हुसेन, मोहम्मद फोयसल अहमद फहिम, मोहम्मद मराज हुसेन र दिपोक रोयले गोल गरे।</p>
<p>खेलको १६औं मिनेटमा तनवीर हुसेन पहिलाे गोल गरेका थिए । २७औं मिनेटमा अहमेद फाहिमले गोल गर्दै अग्रता दोब्बर पारे।</p>
<p>३२औं मिनेटमा मोहम्मद मराजले गोल गरेपछि बाङ्लादेशले पहिलो हाफमै ३-० को अग्रता बनाएको थियो। इन्जुरी टाइमको अन्त्यतिर दिपोकले गोल गर्दै बाङ्लादेशलाई ४-० को जित दिलाए।</p>
<p>बाङ्लादेशले अब उपाधिका लागि भारत र माल्दिभ्सबीचको विजेतासँग खेल्नेछ। दोस्रो सेमिफाइनल आज दिउँसो हुनेछ।</p>
प्रतिक्रिया दिनुहोस्
.jpg)
