१३औं सागका लागि १२ टेनिस खेलाडी छनोट
<p>काठमाडौं। आगामी मंसिरमा नेपालमा आयोजना हुने १३ औं दक्षिण एसियाली खेलकुद (साग) अन्तर्गत लन टेनिसका लागि १२ खेलाडी छनोट भएका छन्। आज सातदोबाटोमा सम्पन्न छनोट प्रतियोगिताबाट पुरुष र महिलामा ६–६ अन्तिम छनोट गरिएको छ ।</p>
<p> </p>
<p>पुरुषतर्फ एनआरएनएका संरक्षकभूषण बज्राचार्य, नेपाल आर्मीका प्रणव खनाल, गण्डकी प्रदेशका प्रदीप खड्का, एपीएफका सन्तोष खत्री, आर्मीका सम्यकभूषण बज्राचार्य र गण्डकीका नवीन मगर छनोट भए।</p>
<p>यस्तै महिलातर्फ एपीएफकी प्रेरणा कोइराला र सलोनी तामाङ, आर्मीका अभिलाषा बिष्ट र इरा रावत तथा प्रदेश ३ का रायना शाह र प्रकृति श्रेष्ठ छानिए । </p>
<p>२ असोजदेखि सुरु छनोट खेलमा पुरुषतर्फ १० तथा महिलामा ७ खेलाडीले राउन्ड रोविन लिगका आधारमा प्रतिस्पर्धा गरेका थिए।</p>
प्रतिक्रिया दिनुहोस्
.jpg)
