जिम्बावेमाथि सिंगापुरको ऐतिहासिक जित, सिरिज रोमाञ्चक मोडमा
<p>काठमाडौं। ट्राई नेशन सिरिजमा घरेलु टोली सिंगापुरले जिम्बावेमाथि ऐतिहासिक जित हात पारेको छ।</p>
<p>१२ असोजमा भएको खेलमा सिंगापुर ४ रनले विजयी भएको हो। वर्षाका कारण १८ ओभरमा घटाइएको खेलमा सिंगापुरले टस जितेर पहिले ब्याटिङ गर्दै ९ विकेट गुमाएर १८१ रन बनाएको थियो।</p>
<p>जवाफमा जिम्बावेले १८ ओभरमा ७ विकेट गुमाएर १७७ रन मात्र बनाउन सक्यो। सिंगापुरको जितपछि सिरिजमा ३ वटै टिमले समान २ अंक जोडेका छन्। </p>
<p>पहिलो खेलमा जिम्बावेले नेपाललाई ५ विकेटले पराजित गरेको थियो। तर, दोस्रो खेलमा कप्तान पारस खड्काले शानदार शतक प्रहार गरेपछि नेपालले सिंगापुरलाई ९ विकेटले पराजित गरेको थियो।</p>
<p>सिरिजमा अव कुनै खेल छैन। १४ असोजमा नेपाल र जिम्बावेबीच खेल हुनेछ।<br />
</p>
प्रतिक्रिया दिनुहोस्
.jpg)
